ماڵئاوا سێ په‌پوله‌که‌ی کۆلێژی ده‌رمانسازی هه‌ولێر
23/07/2010, 12:00 (GMT+1)
ڕۆژی هه‌ینی 23/7/2010 رۆژی ڕه‌شی کۆلێژی ده‌رمانسازی هه‌ولێر بوو ڕۆژی ڕه‌شی هاوڕێکانم بوو له نیوه‌ڕۆیه‌کی هاویندا له‌و گه‌رمایه له ڕێگای سلێمانی-که‌رکوک سێ په‌پوله‌ی کۆلێژی ده‌رمانسازی سێ په‌پوله که هێشتا خۆشی ژیانیان تام نه‌کردبوو که هه‌تا ئه‌و کاته‌ی هه‌ناسه‌ی پایته‌خته‌که‌میان هه‌ڵئه‌مژی خه‌ویان به‌وه‌وه ئه‌بینی که که‌ی ئه‌وانیش بێت ئاهه‌نگی ده‌رچونی خۆیان ببین و دڵی خێزانه‌کانیان شاد بکه‌ن به هه‌ڵدانی کڵاوه‌کانین به پۆشینی جلی ئاهه‌نگی ده‌رچونه‌کانیان به‌ڵام مه‌رگ له‌و ڕۆژه ڕه‌شه‌دا له‌و ڕۆژه‌دا که پشووی هاوین بوو خه‌ڵکی له سه‌یران بوون له کاره‌ساتێکی دڵته‌زێندا به ڕووداوی هاتووچۆ ماڵئاواییان لێ کردین و مه‌رگی ئه‌وان ڕێگه‌ی نه‌دا ساڵێکی تر به‌یه‌کتر ئاشنابینه‌وه و ده‌ست له ملی یه‌کتر بکه‌ین به‌م ڕووداوه دڵی خوێندکارانی کۆلێژه‌که‌میان پڕ کرد له قوڵپی گریان گریانێک که مانگی هاوینیان ئه‌کرد به زستان و بۆنی بارانی زستانی هه‌ولێر ئه‌هات به داخه‌وه کاکه عه‌لی، کاکه لاوه‌ند، کاکه سه‌بور نه‌مانتوانی بتانبینینه‌وه خواتان له‌گه‌ڵ دڵنیابن که ئێوه سێ فرشته‌که‌ی کۆلێژی ده‌رمانسازی هه‌ولێرن دڵنیابن هه‌ر له دڵماندان له یادتان ناکه‌ین.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
