سه‌رۆکی په‌رله‌مان شێوازی قسه‌کردنه‌که‌ت یه‌کێکه‌ له‌ سه‌رچاوه‌کانی توند و تیژی که‌ سه‌رتاپای کۆمه‌ڵگه‌ی کوردی گرتۆته‌وه‌

ده‌ڵێن بۆچی توند و تیژی هه‌یه‌ له‌ کۆمه‌ڵگه‌ی کوردیدا ،ئه‌گه‌ر به‌ هه‌ر پێوه‌رێك لێکی بده‌یته‌وه‌ ئه‌و شێوازه‌ی که‌ که‌مال که‌رکوکی سه‌رۆکی په‌رله‌مان گفتوگۆی پێ ده‌کات یه‌کێکه‌ له‌ سه‌رچاوه‌کانی ئه‌و توندو تیژیه‌ی که‌ سه‌رتاپای کۆمه‌ڵگه‌ی کوردی گرتۆته‌وه‌
ئه‌گه‌ر من باوکم به‌و شێوه‌یه‌ پێم بڵێ دانیشه‌ باوه‌ڕت بێت موسته‌حیله‌ وه‌ڵامی نه‌ده‌مه‌وه‌ لانی که‌م به‌ زمانێکی نه‌رم پێی ده‌ڵێم باوکه‌ گیان ناکرێت تۆزێك نه‌رم و نیانتر به‌ من بڵێیت تۆ هه‌ڵه‌یت و داوات لێ ده‌که‌م دانیشه‌ وه‌ یان هه‌ر شێوازێکی تر، به‌ڵام ئه‌و شێواز و تۆنی زمانه‌ی که‌ که‌مال که‌رکوکی وتی (دانیشه‌) چه‌ندین لێکۆڵێنه‌وه‌ و تێزی ده‌روونناسه‌کان و لێکۆڵه‌ره‌ کۆمه‌ڵایه‌تیه‌کان هه‌ڵده‌گرێت ئه‌گه‌ر بڵێم له‌ به‌ریتانیا سه‌رۆک په‌رله‌مان به‌و شێوازه‌ قسه‌ ناکات ڕه‌نگه‌ بڵێن ئه‌وه‌ تۆ خه‌و ده‌بینیت به‌ریتانیا به‌ریتانیایه‌ و کوردستان کوردستانه‌ به‌ڵام من نمونه‌یه‌کی نزیکتر ده‌هێنمه‌وه‌:
مونته‌زه‌ر زه‌یدی که‌ پێڵاوه‌کانی گرته‌ جۆرج بوش نوری مالیکی سه‌رۆک وه‌زیران به‌و شێوازه‌ به‌ مونته‌زه‌ر زه‌یدی نه‌گوت دانیشه‌ و بگره‌ هیچی نه‌وت (من ته‌نها کاردانه‌وه‌ی نوری مالیکی له‌و نمونه‌یه‌دا به‌ مه‌به‌ست ده‌گرم کارم به‌ ڕووداوه‌ نییه‌) جا بۆیه‌ ئه‌گه‌ر که‌مال که‌رکوکی به‌و شێوازه‌ ده‌یه‌وێت چاکسازی له‌ په‌رله‌مان و کوردستاندا بکات
لێره‌وه‌ داوای لێ ده‌که‌م با ده‌ست له‌ کار بکێشێته‌وه‌