کورد دەڵێ ' پیاو قسە ئەکات..............'

من زۆر چاکم لەبیرە چەندەها کەس توشی کێشە بوون لەسەر ئەم قسەیە، چوونکە کە دەڵێیت پیاو قسە دەکات ئەمە ئەوە دەبەخشی کە ئەو کەسە پیاوەو بەرپرسیارە و خاوەنی قسەی خۆیەتی. تۆ سەیری ئەم قسەکەرانەی دەسەڵات یا تەنانەت ئەو کەسانەی کە خۆیان ناوو ناوە سیاسەت مەدار یان پەرلەمانتار یان چاودێر و لەسەر تەلەفزێۆنەکان و ڕۆژنامەکەنی دەسەڵات قسە دەکەن، وا قسە و شیکردنەوە دەکەن بە شێوەیەک کەخەڵکی کوردستان زۆر بێئاگایە یان پەراوێزخراوە لە دنیای ئەمڕۆدا. کاکە خەڵك ئەمڕۆ لە هەموو جیهاندا ئاگای لەیەکتری وە لەیەکەوە نزیکن، جیهانی ئەنتەرنێتە، دەسەڵاتی کوردیە کە زۆر بی ئاگایە وەیان زۆر گێلە وە زۆر دوورەوپەرێزن لە جەماوەری خەلکەوە. دەسەڵاتی کوردی لەوە دەچێ ئاگای لە ڕووداوەکانی ئەمڕۆی جیهان بە هیج جٶرێک نەبێت!!! تۆ سەیری ئەو قسانە بکە کە مەسعود بەرزانی کردی و دەیکات، قسەکانی زۆر منداڵانە و لە ماڵە باجێنە دەچێ جگە لە پاساوو هێنانەوە هیچ چارەسەری تێدا بەدی ناکرێ، ئێمە کە گوێمان لەقسەکانی دەبێت بەڕاستی شەرم لەخۆمان دەکەین کە ئەم کابرایە چۆن بە سەرۆکی هەرێم ناوو دەبرێ. قسەی هەلەقوومەلەق و بی بنەما وا دەزانی کە خەڵکی کوردستان موڵكی باوکی ئەون. باوکیشی هەر زۆر لەو قسە بێ سەروبۆرانەی دەکرد، دەەڵێن یەکێک لەقسەکانی مستەفا بارزانی کە پارتی زۆری پێوە دەنازێ ئەوەیە کە ووتویەتی ' تانکی گەورە ئاوو زیاتر دەگڕی لە تانکی بچووک' ئەی ئافەرین بۆ خۆت وقسەت، دەبێت لەسەر ئەم قسەیە مەدالیا وەربگرتایە، دەسەڵاتی ئەمڕۆی کورد ئەوەی تێی ناگات دیموکراسیە، کەسانی وەک مەسعود بارزانی لە جیهانی ئەمڕۆی کوردیدا جێگەی نابێتەوە وەیان باشترە بڵێین نابێت جێگای ببێتەوە، وە شتێک نیە لە کوردستان کە ناووی حکومەت بێت، بەڵکو ئەوەی کە هەیە ئەوەیە کەدەسەڵاتی کوردی یەک حیزب دەیبات بەڕێوە و هیچی تر، بۆچی یەک حیزب هەیە ؟ لەکوردستاندا جاران دوو حیزبی سەرەکی هەبوو یەکێکیان بە ناو دیموکراسی پارتی بوو ئەوەی تریان ناوی یەکێتی نیشتمانی بوو، ئێستا یەکێتی نەماوە چۆتە ناوو پارتیەوە، ڕاستە جار بەجار گوێمان لە ووشەی یەکێتی دەبێت وەک حیزب بەڵام ئەم یەکێتیە ئەو یەکێتیە نیە کە جاران هەبوو خەباتی دەکرد، یەکێتیە ڕاستەقینەکان لەناوو یەکێتیدا نەماون، ئەم یەکێتیەی ئێستا هەر حیزبی ' جەلالیە'، لەبەر ئەوەیە یەک حیزب هەیە کە پارتیەو بەم کەڵەکە تڕێە هەرێم دەبات بەڕێوە..

خەڵكی کوردستان پێیان دەڵێن دەبێت بڕۆن کوردستان بەجێ بهێڵن، چەندەها بەڵێنتان داوەو دەدەن بەبێ ئەوەی خۆتان بەرپرسیار بکەن بەرامبەر بە بەجێهێنانی. پرسیار لەوەدایە بۆچی خەڵك داوای ڕۆیشتنیان لێدەکات؟ ئەم دەسەڵات و حکومەتە هیچی پێنەماوە وەیان با بڵێین قەت هیچیان پێنەبوە کە بیدەن بە خەڵك. وا دەزانن بە قسەکردنی بێکردار کێشەکان چارەسەر دەکرێت، ئێستا زۆر باڵندەش هەیە وەک تووتی قسە دەکات، وە ئەم جۆرە توتیانە دەسەڵاتی جێبەجێکردنیان هەر وەک دەسەڵاتی مەسعود وایە.
خەڵکی کوردستان گەیشتونەتە ئەو ئاستەی کەزۆر چاک دەزانن کە ئەم دەسەڵاتە توانای نیە هیچ کێشەیەک چارەسەر بکات، واتا پەکی کەوتوە، توشی شێڕپەنجەو گۆمی بێبنی خۆیان بوون هەر وەک توتی ئەو قسانە دەڵێنەوە کە لە کۆنەوە بۆیان ماوەتەوە، هەر زۆر باسی سەروەری خۆیان دەکەن، لەوە تێناگەن کە ئێمە ئێستا وامان لێهاتوە کە نرخ بۆ ئەو سەروەریانەی کە پارتی و یەکێتی پێی دەنازێن وەهەیان بوو دانەنێن، خەڵكی کوردستان بۆی دەرکەوت کە ئێوە هەر شۆرشتان کردوە بۆ ئەوەی کە بێن سواری ئەم شەپۆلە ببن وە بگەنە ئەم دەسەڵاتە بێ سەروبۆرە کە ئێستا شانازی پێوە دەکەن و ماڵ و موڵك و سامانی خەڵک فەرهود بکەن .
پارتی و یەکێتی زۆر باسی مێژووی سەرەوری خۆیان دەکەن، وەرە با ئێمە شیکرنەوەیەک بکەیین، کام سەروەری، مێژوو شایەتە هەر کەسێک کورد پەروەر بوبێت، ئێوە لەناوتان بردوە، یان بەهەر شێوەیەک بێت ڕاوتان ناوە، وەیاخود لە کۆن و لە ئێستاشدا لەگەڵ ئێوە مابێت. هەرچی بە (ناوو) شۆڕشێک بەشداریان تێداکردبێ تەواویان کردبێ وە تا سەر بووبێ. ئێوە هەموو شەڕەکانی کردوتانە یا بۆ بەرژوەندی تایبەت یان بۆ دەسەڵات یان بۆ پارە بووە. پێم بڵێ کێ هەیە خۆی نەفرۆشتبێت و دوای بەرژەوەندی تایبەتی خۆی نەکەوتبێت و ئەمڕۆ لەگەڵ ئێوە بێت، ئەم قەیرانەی ئەمڕۆی کوردستانی پێدا دەڕوات شایەتی ئەوە دەکات.
لە جیهاندا زۆر کەسانی وەک مەسعود و حکومەتە پەڕپوتەکەی هەبوەو هەیە قسەی بێ سەروبۆریان کردوە. بۆیە من دەڵێم خاوەنی قسەی خۆی نیەو هیچی لە توانادا نیە وە زۆر باشترە واز بهێنێت و بڕواتەوە بۆ ماڵەوە. پەندێک هەیە دەڵیت ' سەرۆکی کوێر میللەتەکەی بەرەو کوێرو نەهامەتی دەبات'

٣٠/٠٣/٢٠١١