ڕونكردنەوەیەك بۆڕاى گشتى ئەگەر ئەنفال چیەكان دادگاى ناكەن , بۆچى بەفریشتە دەیان ناسێنن

رۆژى 22-6-2009 , سكرتێر یەكێتى نیشتمانى كوردستان (جەلال تاڵەبانى) وەك سەرۆك عەشیرەتى زەنگەنەوە پێشوازى لە كەسێك كرد بەناوى (سمایل عەزیز ئاغا) كە پێشتر موستەشاربوەو ناوى لەو لیستەدا وەك داواكارێك هاتوە كە لەلایەن دادگاى باڵاى تاوانەكانى عێراقەوە دەرچوە .
جێى سەرەنجە ئەو تاوانبارە ناوى لە لیستى داواكراوانى تاوانبارانى دۆسیەى ئەنفال دا هەیە پێشتر هەڵهات بۆ دەرەوەى وڵات و دواتر گەڕایەوە و وەكو تاوانبارە كوردەكانى تر داڵدە دراوە و ئێستالە شارۆچكەى كفرى دادەنیشێت و دەبوو لەلایەن حكومەتى هەرێمى كوردستان و دەسەڵاتدارانى هەرێمى كوردستانەوە ڕادەستى دادگا بكرابا، بەڵام لەلایەن یەكێتى نیشتمانى كوردستان داڵدەدراەوە و حیسابى تایبەتى بۆ دەكرێت و لە ئاستى سەرۆك كۆمارى دا پێشوازى لێ دەكرێ , جەلال تاڵەبانى لەلایەك پێشوازى لە نوێنەرى كەسوكارى ئەنفال كراوان دەكات و ئەبێتە ئەندامى ڕێكخراوەكەیان بۆ داكۆكى كردن لێیان و لەلایەكى ترەوە هەر خۆى پێشوازى لەتاوانبارەكان دەكات.
ئێمە وەك لقى گەرمیان ڕێكخراوى چاودێرى كوردۆساید، بەرامبەر بەم هەوڵیستە دولایەنەى دەسەڵاتدارانى كورد لەبارامبەر تاونبارانى ئەنفال دا ناڕەزایى دەردەبڕین و داواكارین كە تەواوى ئەو كەسانە رشادەستى دادگابكەن كە وەك تاونبارى پرۆسەى ئەنفال و كۆمەڵكوژى خەڵكى كوردستان لەلایەن دادگاى باڵاى تاوانەكانى عێراقەوە داواكراون بەمەبەستى دادگاى كردنیان .

25-6-2009
لقى گەرمیان ڕێكخراوى چاودێرى كوردۆساید


Kurdocide Watch
www.chak.be
www.chaknews.com
www.kurdocide.org
[email protected]