گۆڕان هیچ ئیشى نیە فتواى كوشتن بۆ تۆ دەركەن

ئەو ووتەیەى پێشینانم زۆر بەلاوە جوانە كە دەڵێن مەنجەڵ گەڕا سەر قاپى خۆى دۆزیەوە ,پۆڵاش دەمێكە بە دوایى سەر قاپى خۆیدا ئەگەڕێ ئەوا دۆزیەوە , با ئیتر وازى لێ بهێنین , هەموو كەف و كوڵى پۆڵا و كوردستانى نوێ ئەو دوسێ نامەیەیە كە پۆلا دەینێرێ , ئیتر سیحرەكەى پۆلا و هەموو ئەو پۆڵایانەى ئەمڕۆ ئەو سەنگەرى شەرمەزاریەیان هەڵبژاردوە بەتاڵ ئەبێتەوە ,با واز لە پۆلا بهێنین , زلى مەكەن , پۆڵا هیچ نیە و هیچیش نەبوە , لەوەو پێشیش بە هۆى كوردستان پۆستەوە بوە , ناوبانگێكى هەبوە ئەوا لەمەو دوا وەكو ئەو سەدان خاوەن فایلەى ترى ناو دەسەڵات ئەویش دەبێتە بڵقى سەر ئاوو نامێنێ.

برادەرینە ....
پەتى خیانەت و درۆ كورتە , پەتەكەى پۆلا و كوردستانى نوێش زۆر لەوە كورت ترە كە پۆڵا و هاوشێوەكانى دڵیان پێى خۆش بێت ,وازى لێ بهێنن تا ئەو ڕۆژەى گەڕ و گول ئەبێت , وازى لێ بهێنن , چونكە خۆى خۆى سوك كرد , پۆڵا ئیتر كەس نووسینەكانى ناخوێنێتەوە , كەس ئاوڕى لێ ناداتەوە , جەلالیەكانیش ئەوەندەیان ئیش پێیەتى تا دوا نامەى و دوا ناماقوڵى لە سەر كوردستان پۆست و گۆڕان ئەنوسێ ئیتر كە ئیشیان پێى نەما ئینجا ئەوانیش ڕیسوایى ئەكەن.
له‌ بیرمانە جاران كە پێشمەرگەیەك تەسلیم ئەبوەوە وازیان لێ نەدەهێنا تا خیانەتێكى دەكرد , كە ئەیكرد ئیتر بەرەڵڵایان ئەكرد , پۆڵاش واى لێ یەت , ئەوەتا ئەمیش كردى , وازى لێ ناهێن تا دوا ووشەى , ئیتر بەرەڵڵاى ئەكەن و كەس نایناسێ , ئەوەتا لە دوا نامەیدا خۆى گیڤ كردۆتەوە و ئەڵێ برادەرانى گۆڕان شێت بون و فتواى كوشتنیان بۆ داوم، لە پۆڵا وایە ئیتر برادەرانى گۆڕان هیچ ئیش و كاریان نیە و هەموو مەسەلە كان فەرامۆش ئەكەن و فتواى كوشتن بۆ كەسێك دەرئەكەن كە تەنانەت خیانەتى لە هاوڕێ هەرە نزیكەكانى خۆشى كرد، درۆنامەكانت هیچ نین , بێجگە لە یەكێتى كەسى تر نیە دڵى بەوانە بكرێتەوە , ئێمە دەمێكە لە درۆ قەبەكانى ئەم جەلالیانە تێ گەیشتوین , كەس نیە بڕوا بەوانە بكات.
پۆڵا بەرەیەكى هەڵبژاردوە كە تا ئەو ڕۆژەى ئەمرێ ئەبێت لەنا و ئەم میللەتەدا زەلیل و سەر شۆڕو ڕیسوا بێت , كەسێك خۆى ئەمەى هەڵبژاردبێت ئیتر پێویست ناكات ئەمەندەى لە سەر بنووسین, وەڵام نەدانەوەى ئەوانە باشترین مشتە كۆڵەیە بۆ ناو دەمیان , من وام پى باشە لەوە زیاتر سایتە ئازیزەكەمان سەرقاڵ نەكەین بەو شتانەوە , ئەو مێرولانە چین ,ئەوان كەى ئەوە بوون.
كوردستانپۆست مایەى شانازیە بۆ هەموومان , سەنگەرى ڕاستە قینەى هەمومانە , چاوەكانمانە و هێزى قەڵەمەكانمانە , ئیتر تكایە لەوە زیاتر خۆتان بەو بۆرە پیاوانەوە خەریك مەكەن , پۆڵایەك وەفاى بۆ ئەو كانیە نەبوو كە چەندین ساڵە ئاوى لێ ئەخواتەوە و ناوبانگى تیا دەركرد و لە پشتەوە خەنجەرى لێ ئەدات و بەردى تێ ئەگرێ ئیتر چۆن بۆ ئەو دەسەڵاتە گەندەڵ و دزە ئەبێت , ئەوەندە بەسە لە سەرى نوسراوە ,هەر ئەوەندە بەسە بۆ پۆڵا لەمەو دوا بڵێ من جەلالیم و دژى گۆڕان و كوردستانپۆست درۆ ئەكەم , یان شت ئەنوسم , با بنوسێ چى ئەنوسێ با بنوسێ دەیان ساڵە دەسەڵاتى مافیا ى كوردى بەرامبەر بە كوردستانپۆست شت نەما نەیكەن , لە دوا جاردا سەریان داى لە بەرد , ئەمەى پۆڵاش هەر سەردانە لەو بەردەى كوردستانپۆست, وازى لێ بهێنن تا ئەو ساتەى جەلالیەكان لەوە سوكترى ئەكەن , ئەو كاتە تێ دەگات چى بە سەر خۆى هێناوە ,كەسێك قەڵەمەكەى بفرۆشێ , خیانەت لە برادەرەكانى و  له‌ ماڵەكەى خۆی بكات, ئیتر چى لە سەر دەنووسن ,كەسێك تا ئێستا خۆى خەڵەتاندبێ , ئەوەى دوێنى جنێوى پێ ئەدا ئەمڕۆ لە دەرگاى ئەدا , ئیتر چى لە سەر ئەنووسن وازى لێ بهێنن , سبەینێ بۆى دەرئەكەوێت چى كردوە.