فیشه‌کی گولله‌ کوشنده‌یه‌ یان ته‌ماته‌

پاش ئه‌وه‌ی له‌ نه‌رویج گه‌نجێکی داخ له‌دڵ ته‌ماته‌ی گرته‌ مه‌لا به‌ختیار، ناوبراو یه‌کسه‌ر ئه‌م کرداره‌ی گه‌نجه‌که‌ی به‌ کاری گۆڕان دایه‌ قه‌ڵه‌م و سه‌رانی ئه‌م بزوتنه‌وه‌یه‌ی تاوان بار کرد، ئێسته‌ خۆ ئه‌گه‌ر به‌ردێك له‌ئاسمان بکه‌وێته‌ خوارێ یه‌کسه‌ر سه‌رانی یه‌کێتی ده‌ڵێن کاری گۆڕانه‌! مه‌لا وه‌کو خۆی فریشته‌ بێت و که‌سانێکی تێکده‌ر بیانه‌وێت ئه‌و له‌سه‌ر به‌رماڵی سۆفیه‌ت عه‌زێت بده‌ن خۆی ده‌رخست. به‌ڵام دوایی ده‌رکه‌وت که‌ ئه‌و گه‌نجه‌ که‌س پاره‌ی نه‌داوه‌تێ و که‌سیش ڕای نه‌سپاردوه‌، ئه‌وه‌ی هانیشی داوه‌ بۆ ئه‌م کاره‌ی ته‌نها ئه‌و وه‌عده‌ درۆیانه‌ بوه‌ که‌ ماوه‌ی هه‌ژده‌ ساڵه‌ ده‌درێت به‌ گه‌نجان و ناچێته‌ سه‌ر!
به‌بیری مه‌لا دێنینه‌وه‌ که‌ ئه‌گه‌ر ئه‌مه‌ کاری گۆڕانیش بێت، ئه‌وان گولله‌ بارانیان نه‌کردویت! وه‌کو ده‌بینین که‌ ماوه‌یه‌که‌ له‌شاره‌کانی کوردوستان لایه‌نگرانی گۆڕان ده‌کوژرێن و ده‌ڕفێنرێن و ماڵیان ده‌سوتێنرێت! خه‌ڵکی بێ دیفاعی کوردستان هیچیان نیه‌ خۆیان له‌ گولله‌کانی ئێوه‌ بپارێزن! به‌ڵام تۆ له‌ترسی دوو ته‌ماته‌ له‌ سوید کۆمه‌ڵێك حمایه‌ی که‌ته‌ی سویدیت شوێن خۆت خست!