مزگینی ئه‌وێ گه‌نده‌لیێ ئاشکراکه‌ت دێ هێت خه‌لاتکرن ??!!

بابه‌تێ گه‌نده‌لیێ ل کوردستانێ حکومه‌تا ئێکه‌تی وپارتی یا بهێن ته‌نگ کری ژبه‌ر گازندێن خه‌لکی وهشیاربینا ده‌نگێ ئوپوزسیونێ دناڤ جڤاکێ کوردی دا ، حکومه‌تێ بریار دا هه‌ر که‌سێ هنده‌ک حاله‌تێن گه‌نده‌لیێ ئاشکرا که‌ت دێ هێته‌ خه‌لاتکرن به‌س دڤێت به‌لگه‌ ودوکیومه‌نت لسه‌ر هه‌بن ، لڤێرێ پرسیارا گرنگ ئه‌ڤه‌یه‌ ئه‌رێ ئێک هه‌یه‌ ل کوردستانێ بشێت بسه‌لمینت کا کیژ به‌رپرسی دزیکرنه‌ یان گه‌نده‌له‌ ؟؟ یا خویایه‌ ل کوردستانێ حزب ده‌ست هه‌لاتیێ دکه‌ت ل شینا حکومه‌تێ وبه‌رپرسێ پارتی یان ئێکه‌تی دشێت هه‌ر تشتێ بڤێت بکه‌ت وج یاسا نینه‌ وان ل سنوره‌کێ ب راوه‌ستینت ، ئه‌ڤجا دێ جه‌وا شێن گه‌نده‌لیا وان خویا که‌ین ب به‌لگه‌ ، ل وه‌لاتێن پێشکه‌فتی مینا سوید ونه‌رویج وفره‌نسا گه‌له‌ک نورمال وئاسانه‌ ئه‌گه‌ر سه‌روکێ وه‌لاتی یان سه‌روکێ وه‌زیران بهێته‌ سزادان لسه‌ر کارێن گه‌نده‌لیێ ، جونکه‌ ئه‌ڤ وه‌لاته‌ خودان یاسا وسه‌روه‌رینه‌ ، روژنامه‌ ڤانه‌ک دکاریت بجیت پێزانینا لدور هه‌ر به‌رپرسه‌کی کومکه‌ت بلا پلا به‌رپرساتیێ جه‌ند مه‌زن بیت ژ هه‌می دام وده‌زگه‌هێت حکومه‌تێ، به‌روڤاژی کوردستانێ ئه‌گه‌ر ته‌ بڤێت پرسیارا بجیکترین تشت بکی به‌رپرس جونکه‌ پشتا وی یا لکه‌ڤری وکه‌س نه‌شێت لگه‌ل باخڤیت ، دێ بێژیت مامو هه‌ره‌ ئه‌ڤه‌ نه‌ شولا ته‌یه‌ ئه‌ڤ بریاره‌ یا جهێت بلند ده‌رکه‌تی مایێ خوه‌ تێنه‌که‌ بو ته‌ باشتره‌ ؟؟
ئه‌ز نزانم جهێت بلند لکیڤه‌نه‌ هه‌تا ئه‌ڤ جوره‌ بریاره‌ ژێ ده‌رکه‌ڤن ، وه‌کی دیار لده‌ڤ مسلمانا جهێت بلند ئه‌سمانێت بلندن وه‌حی بو پێغه‌مبه‌ری سلاڤێت خودێ لسه‌ر بن یا ژێ هاتی خارێ وپشتی مرنا پێغه‌مبه‌رێ نازدار سلاڤێت خودێ لسه‌ر بن ج وه‌حی بو که‌سێ ناهێت خارێ ، ل کوردستانێ روژنامه‌ڤان باجا گه‌نده‌لیێ دده‌ن ویێت بین فیداکار ژ بو ڤێ جه‌ندێ ، دێ جه‌ند نموونا ئینم دا پتر بابه‌ت رون وئاشکرا بیت بو خوانده‌ڤانێت هێژا
١_سه‌رنڤیسه‌رێ گوڤارا لڤین ل که‌ر‌کوکا (دلێ کورستانێ یان قودسا کوردستانێ) سوران مام حه‌مه‌ پشتی راپورته‌ک لدور په‌یوه‌ندیا پولیسان ب گروپه‌کا ئافره‌تێن له‌شفروش ڤه‌ ئاشکراکری ، هاته‌ تیرورکرن وهه‌تا نوکه‌ژی خوینا وی یا دجیت که‌س نزانیت کێ بده‌سێن جه‌په‌ل کوشت ؟؟
٢_ سه‌رنڤسه‌رێ گوڤارا لڤین ل باژێرێ سلێمانیێ ئه‌حمه‌د میره‌ هه‌ولێن تیروکرنا وی به‌رده‌وامن ژ بلی گه‌فان
٣_ روژنامه‌ڤان نه‌به‌ز شه‌هره‌زوری ل باژێرێ سلێمانیێ ئوتومبێلا وی لبه‌ر ده‌رگه‌هێ مالا وی هاته‌ سوتن
٤_ سه‌رنڤیسه‌رێ گوڤارا جیهان نه‌به‌ز گوران ل هه‌ڤلێرا پایته‌خت هاته‌ قوتان وسه‌روجاڤ لێ ره‌ش وشین کرن ، خودێ ڤێ جارێ قورتالکر باش بی
٥_ روژنامه‌ڤان ورێڤه‌به‌رێ ته‌له‌فزیونا یه‌کگرتوو که‌نالێ دهوک قاسم حسین لده‌مه‌کێ هاته‌ گرتن ب ده‌ستێن ئاسائێشا دهوکێ ژبه‌ر هنده‌ک پروگرامێن ته‌له‌فزیونێ لسه‌ر گه‌نده‌لیێ وره‌خنێ .

٦_روژنامه‌ڤان جاسم محمد سه‌لیم ل باژێرێ زاخو جه‌ندین جاران ژ لایێ ئاسائیشا پارتی ڤه‌ هاتیه‌ گرتن لسه‌ر بابه‌تێ گه‌نده‌لیێ وبابه‌تێن وی د روژنامان دا
براستی گه‌له‌ک نموونه‌ هه‌نه‌ به‌لێ بلا به‌س بیت جونکه‌ ئه‌گه‌ر ده‌رسه‌ حه‌رفه‌ک به‌سه‌
نزانم ئه‌ڤه‌ کیژ یاسایه‌ ل کوردستانێ یێ دارستانێ یه‌ گیانه‌وه‌رێن بهێز یێن بێ هێز دخون یان یاسا ده‌ریایه‌ ماسیێن مه‌زن یێن بجیک دخون یان یاسا وه‌کی ته‌ڤنێ ته‌ڤنپیرکێ یه‌ یێن بجیک دگریت ویێن مه‌زن قورتال دبن ..........
  _ ستوکهولم