بەڕێوبەرى ئەوقافى كۆیە هەڕەشە نەكا ، خواى دەگرێ .

یەكێكى تر لەو پیاوە لەخوا ترسە حزبیانەى كەبۆتە موفتى حزب و وەك مەلا و حاجیەكى ساختەچى ڕۆڵى ئاسایش و زانیارى بۆ یەكێتى و باڵى جەلال تاڵەبانى لەكۆیە دەبینێ جەنابى حاجى مەلا حسامەدینى بەڕێوبەرى ئەو قافى كۆیەیە كەجەنابیان ماوەى زیاتر لە پانزە ساڵە كورسیەكەى تووند تووند گرتووە و بەرى ناداو چۆڵى ناكات بۆ مامۆستایەكى ئایینى یان بۆ دكتۆر و مامۆستایانى بەڕێزى تر كەدەرچووانى كۆلیژى شەریعەن یان ماستەر و دكتۆرایان هەیە لەشەریعە و ئیسلام ، جەنابیان لەپەناى ئایینى پیرۆزى ئیسلام و ناوى مەلا و حاجى چەندین مووچەى بن دیوارى كرد و خواردى ، چەندین كەسى بەناوى عقد بەشێوەیەكى كاتى بەناوى وەهمى دامەزراند و مووچەكەى وەرگرتوو خواردى ، چەندین خزم و دۆستى بۆ خۆیى و بۆ بەرپرسانى كۆیە لەسەر سنوورى بەڕێوبەرایەتى ئەوقافى هەولێر لەكۆیە لەسەردەمى دوو ئیدارەى دامەزراند و دەوامى پێ نەدەكردن و مووچەكەی بەنیوەى وەردەگرت و دەى خوارد ، چەندین ئیمتیازاتى ترى وەك وەرگرتنى دوو پارچە زەوى و سەیارە و دروستكردنى خانوو لەسەر ئەركى حزب و دامەزراندنى كوڕەكەى و دەیان لەخزمەكانى بەكون فەیەكونێك و لەگەڵ چەندان دزى و گەندەڵى تر كەبەداخەوە هەمووى لەپەناى ناوى حاجى و مەلایدا كرد و خواردى ، ئەمە لەكاتێكدا جەنابیان بەحساب پیاوێكى لەخوا ترسە ، بەحساب حاجیە و ماڵى خواى دیوە ، بەحساب مامۆستاى ئاینیەو پاپەندە بەفەرمان كردن بەچاكە و نەهى كردن لەخراپە ، كەچى بەداخەوە بەپێچەوانەى هەموو ئەمانەوە جەنابیان هاوشانى سەدان بەرپرس و كاربەدەستى ترى گەندەڵى پارتى و یەكێتى چاوى بەو بارودۆخە هەڵنایە و حەزناكات گۆڕان ڕووبدات و ئەم دۆخە بەلایەكدا بكەوێت و ئەم میللەتە لەم ماڵوێرانى و دز و جەردەیە نەجاتى بێت ، دیارە جەنابیان ناحەقى نیە كەهەڕەشە بكات لەخەڵك و مامۆستایانى ئایینى و خوا دەى گرێ كەبەرگرى و داكۆكى لەدزى و گەندەڵى نەكات چونكە خۆى بەرهەمى ئەو ناعەدالەتیەیە ، خوا دەى گرێ سپڵە و بێ وەفابێ بەرامبەر ئەو دەسەڵاتە مافیایە ، خوا دەى گرێ بەردەوام تەلەفۆنەكەى بەدەستەوە نەبێت و هەڕەشە لەمامۆستایانى ئایینى نەكات ، چونكە جەنابى حاجى مەلا حسامەدینى جەلالى هەر خۆى دەزانێ چى كردوە و چى خواردوە و چى دزیوە و چى بردووە ، بۆیە ئاوا پەشۆكاوانە و مل هوڕ و سەر شۆڕانە لەم سایت بۆ ئەو سایت و لەو كەناڵ بۆ ئەو كەناڵى حزبى هەر خەریكى لێدوان و هەڕەشەیە لەمامۆستایانى ئایینى سنورى كۆیە و فەرمان ڕەوایە دیكتاتۆریەكەى ، حاشا لەمامۆستایانى ئایینى خۆى دەكا ، ئەوە چیە ئەوان وەك ئەو خۆیان نەفرۆشتووە و شەرعیەت نادەن بەدزى و گەندەڵى و شەرعیەت نادەن بەو حكومەتە دزەى پارتى و یەكێتى و دوعاى خێر و تەمەن درێژى بۆ جەلال تاڵەبانى ناكەن ، دیارە جەنابیان ناحەقى نیە و خوا دەیگرێ بەرگرى نەكات لەدزى و گەندەڵى و حكومەتى كارتۆنى و جەلال تاڵەبانى عێراقچى ، چونكە جەنابیان لەوە دەترسێ تاڵەبانى لەكورسیەكە بیهێنێتە خوارەوەو فڕێیى بداتەوە بۆ باڵەكایەتى یان خۆشناوەتی و لەوێ لەحوجرەى فەقێیان و لەجزوى عەمەوە دەست پێ بكاتەوە ، دەترسێ لەوەى لەناكاو جەلال تاڵەبانى بانگى بكات و بڵێ مەلاحسامەدینى كۆلكە مەلا چۆن دەبێ لەشارەكەى من كە عۆجەى منە ڕۆژانى هەینى نوێژ لەسەر شەقام بكرێت و داواى تڕۆ كردنى من و جەنابى بارزانى بكرێ ..
__ ئەمەى خوارەوە یەك دوو نمونەى ئاشكراى هەوڵەكانى جەنابیانە بۆ سەركوتكردنى مامۆستایانى ئایینى لەسنوورە حزبیەكەى ئەودا ، ئەى ئەبێ لەژێرەوە چى بكات ؟ ..
* زانایانی ئاینی كۆیه‌ ئاگادار ده‌كرێنه‌وه‌ كه‌ نابێت لێدوان بۆ میدیا ئه‌هلییه‌كان بده‌ن
له‌كۆبوونه‌وه‌یه‌كی ئه‌مرۆی یه‌كێتی لقی زانایانی كۆیه‌ به‌ زانایانی كۆیه‌و ده‌وروبه‌ر راگه‌یه‌نراوه‌ كه‌ نابێت بۆ میدیا ئه‌هلییه‌كان لێدوان بده‌ن.
ژیار محه‌مه‌د، كۆیه‌: له‌مباره‌یه‌وه‌ كارگێڕێكی لقی زانایانی كۆیه‌ به‌سایتی ئاوێنه‌ی راگه‌یاند "له‌ كۆبوونه‌وه‌ی ئه‌مرۆی لقی كۆیه‌ی یه‌كیتی زانایانی كوردستان له‌گه‌ڵ زانایانی ئاینی ده‌ڤه‌ره‌كه‌ پێیانڕاگه‌یاندون كه‌ نابێت به‌هیچ شێوه‌یه‌ك لێدوان‌و قسه‌ له‌باره‌ی بارودۆخی ئێستای هه‌رێمی كوردستان بۆ میدیا ئه‌هلییه‌كان‌و میدیاكانی ئۆپۆزسیۆن بده‌ن".
ئاماژه‌ی به‌وه‌شدا له‌و كۆبوونه‌وه‌یه‌دا رایانگه‌یاندوه‌ كه‌ زانایانی ئاینی نابێت به‌هیچ جۆرێك بچینه‌ ناو خۆپیشانده‌ران‌و تا پێشیان ده‌كرێت مه‌لاكانی دیكه‌ ئاگادار بكه‌نه‌وه‌ تا رێگه‌یان لێبگیرێت بچنه‌ ناو خۆپیشانده‌ران‌و وتار بخوێننه‌وه‌.
* كۆیه‌..مامۆستایانی ئاینیی نوێژو وتاری مزگه‌وته‌كانیان ناگۆڕنه‌وه‌ به‌نوێژی سیاسی

PUKmedia 11:54:19 2011-04-02
موسڵمانان و مامۆستایانی ئاینی سنوری كۆیه‌ ئاماده‌نین نوێژو وتاری مزگه‌وته‌كانیان بگۆڕنه‌وه‌ به‌ نوێژی سیاسی.
حاجی حسامه‌دین به‌ڕێوه‌به‌ری ئه‌وقافی كۆیه‌ له‌لێدوانێكدا بۆ ماڵپه‌ڕی وه‌زاره‌تی ئه‌وقافی حكومه‌تی هه‌رێمی كوردستان، ستایشی رۆڵی ئیمام و خه‌تیبی مزگه‌وته‌كانی سنوری به‌ڕێوه‌به‌رایه‌تییه‌كه‌ی كردووه‌ كه‌ به‌گیانێكی هه‌ستكردن به‌لێپرسراوێتی ئاینی و نه‌ته‌وه‌ییه‌وه‌ ئه‌ركه‌كانی خۆیان له‌ناو مزگه‌وته‌كاندا جێبه‌جێده‌كه‌ن و ئاماده‌نین نوێژو وتاری هه‌ینی مزگه‌وته‌كانیان بگۆڕنه‌وه‌ به‌و نوێژانه‌ی كه‌ له‌سه‌ر داوای لایه‌نه‌ سیاسییه‌كان له‌سه‌ر شه‌قام و گۆڕه‌پانه‌كانی ناوچه‌كه‌ ئه‌نجامده‌درێن.
به‌ڕێوه‌به‌ری ئه‌وقافی كۆیه‌ ته‌ئكیدیشی كردووه‌ته‌وه‌ كه‌وا هیچ مامۆستایه‌كی ئاینی شاری كۆیه‌ ئاماده‌ نه‌بووه‌ مزگه‌وته‌كه‌ی به‌جێبهێڵێت و ئه‌وانه‌شی كه‌ له‌ رۆژانی هه‌ینیدا له‌ گۆڕه‌پانه‌كانی كۆیه‌ نوێژی هه‌ینییان كردووه‌ له‌سه‌ر داوای گروپه‌ سیاسییه‌ دیاریكراوه‌كانه‌وه‌ بووه‌و ئه‌و مه‌لایه‌ی له‌وێدا وتار ده‌دات هیچ په‌یوه‌ندییه‌كی به‌ ئه‌وقافه‌وه‌ نیه‌و كارمه‌ندی ئێمه‌ش نیه‌و خه‌ڵكی كۆیه‌ش نیه‌.
جێی ئاماژه‌كردنه‌ بۆ درێژه‌دان به‌خۆپیشاندانه‌كانی ناوچه‌ جیاجیاكانی هه‌رێمی كوردستان، هه‌ندێك لایه‌نی سیاسی هه‌وڵده‌ده‌ن هه‌رچی لایه‌نگریان هه‌یه‌ له‌مزگه‌وته‌كاندا نوێژ نه‌كه‌ن و له‌گۆڕه‌پانێكی دیاریكراودا كۆی بكه‌نه‌وه‌و وه‌ك لاسایكردنه‌وه‌ی وڵاتانی میسرو تونس و لیبیا، هه‌روه‌ها داواش له‌مه‌لایه‌كی حزبیش ده‌كه‌ن وتاری هه‌ینیان بۆ بخوێنێته‌وه‌، به‌ڵام به‌شی هه‌ره‌زۆری موسڵمانانی كوردستان و مامۆستایانی ئاینی ئه‌م جۆره‌ نوێژه‌ به‌(بیدعه‌) ده‌زانن و به‌نوێژو وتاری مزگه‌وته‌كانی كوردستان پابه‌ندن و رۆژ له‌دوای رۆژ مامۆستایانی ئاینی و موسڵمانانی كوردستان له‌و نوێژه‌ سیاسییانه‌ خۆیان دوور ده‌خه‌نه‌وه‌.

كۆیە