تۆ بڵێی ئه‌مشه‌ویش که‌ 1 مارتی 2010یه،‌ مامه‌ ده‌رنه‌که‌وێته‌وه‌ وه‌ک 1ی مارتی2007 ‌!!!

ئه‌وه‌ زیاتر له‌ هه‌فته‌یه‌که‌ سه‌رۆکی عێراقی فیدرال دیار نیه‌، به‌ تایبه‌تی دوای هه‌وڵدانه‌کانی و مانه‌وه‌ی له‌ که‌رکوک بۆ چه‌ند ڕۆژێک، دوێنێ کوردستانی نوێ فۆتۆیه‌کی تاڵه‌بانی به‌ گه‌وره‌یی له‌ لاپه‌ڕه‌ یه‌کدا بڵاوکردۆته‌وه‌ و ده‌ڵێت: مام جه‌لال به‌ره‌و سه‌رۆکایه‌تی دووه‌م، هه‌ڵبه‌ته‌ کوردستانی نوێ ده‌یه‌وێت به شێوه‌یه‌کی دی به‌ ‌ هاوڵاتیانی کوردستان بڵێت مامه‌ زیندووه‌ و ڕاوه‌ستاوه‌ ، ئه‌م مانشێت و فۆتۆیه‌ی کوردستانی نوێ سێ ساڵ له‌مه‌وبه‌ر دێنێته‌وه‌ یاد که‌ ڕێک له‌ شوباتی 2007 دا مامه‌ دیار نه‌ما و هه‌واڵی نه‌ما، براده‌رانی سه‌رکردایه‌تی ئه‌و کاته‌ی یه‌کێتی که‌وتنه‌ داپۆشینی ئه‌وه‌ی نه‌خێر مامه‌ هیچی نیه‌ و ته‌ندروستی زۆر باشه‌، مه‌لا به‌ختیار هاته‌ سه‌ر تی ڤی و ووتی: سکرتێری گشتی ته‌ندروستی زۆر باشه‌ و نه‌خۆش نیه‌ و بێ عه‌یبه‌ و گوێزی ساغه‌، له‌ کاتی ئه‌و لێدوانانه‌ی ئه‌واندا مامی هه‌مووان نه‌شته‌رگه‌ری بۆ ده‌کرا له‌ یه‌کێک له‌ خه‌سته‌خانه‌کانی عه‌ماندا له‌ ئوردن، ئه‌وه‌ بوو خوای گه‌وره‌ مامی دایه‌وه‌ به‌ عێراقی کڵۆڵ جارێکی دی مامه‌ هه‌ستایه‌وه‌، ڕێک له‌ ئێواره‌یه‌کی وه‌ک ئه‌مڕۆدا له‌ 1ی مارتی 2007دا ئێواره‌ له‌ لێدوانێکی ته‌له‌فزیۆنی تۆمارکراودا و به‌ هه‌ناسه‌ بڕکێ مام که‌وته‌ به‌خشینه‌وه‌ی سوپاس، لێره‌دا پێم باشه‌ بۆ بیرهێنانه‌وه‌ به‌شێک له‌و وتاره‌ درێژه‌ی فه‌خامه‌تی سه‌رۆکتان بۆ دابه‌زێنمه‌وه‌ که‌ له‌ داهێنانێکی نوێدا و له‌ژێر کاریگه‌ری به‌نجدا که‌ تازه‌ به‌ریدا بوو ئه‌و چاوپێکه‌وتنه‌ی خۆی ناونا به‌ چاوپێکه‌وتنی سوپاسگوزاری(مقابلە شكر) که‌ دوور له‌ هه‌موو پڕۆتۆکۆل و ئه‌ته‌کێتێکی سیاسی له‌ دونیادا نه‌بووه‌ سه‌رۆکی وڵاتێک لێدوانی له‌م جۆره‌ بدات، ئه‌م جۆره‌ کارانه‌ ده‌درێت به‌ یه‌کێک له‌ ستافه‌کانی کۆشکی کۆماریی نه‌ک سه‌رۆک خۆی:"
بسم الله الرحمن الرحيم
هژه المقابله‌ اعتبرها مقابله‌ شكر، أتقدم بالشكر لجميع الژين سألوا عني أو ساعدوني و في المقدمه‌ و على رأسهم جلاله‌ الملك عبد الله الپاني المعڤم الژي تفچل باستچافتي في هژه المۆسسه‌ السحيه‌ العربيه‌ النادره‌ التي يجب أن نفتخر بها جميعا بكوادرها و أگباوها و إمكاناتها العلميه‌ الهائله‌ و شكرا كژلك لجميع العاملين في المستشفى الژين استقبلونا بلگف و محبه‌ و أخوه‌ و بحماس و حرس شديد على مساعدتي في هژه الوعكه‌ التي أسبت بها. و كان لابد من بيان الشكر أيچا لدوله‌ رئيس الوزراو الأردني و معالي رئيس الديوان الأردني و لمعالي وزير الخارجيه‌ و كل الإخوه‌ اڵاخرين في الأردن.
عندما أسبت بهژه الوعكه‌، تلقيت مكالمات تلفونيه‌ كپيره‌ و عديده‌ من بينها من رۆساو الدول اژكرهم حسب التسلسل الژين اتسلوا بي وأولهم كان فخامه‌ الرئيس الدكتور محمود احمدي نجاد رئيس الجمهوريه‌ الإسلاميه‌ الإيرانيه‌، و بعدها تلقيت اتسالات هاتفيه‌ عديده‌ من العديد من الأخوه‌ من بينهم الرئيس المسري محمد حسني مبارك و رئيس الوزراو التركي السيد رجب گيب اردوغان و نائب رئيس الجمهوريه‌ السوري السيد فاروق الشرع و من عدد ێخر من الأخوه‌.
خوێنه‌ری به‌ڕێز تێبینی ئه‌وه‌ بکه‌ فه‌خامه‌تی ده‌ڵێت ده‌بێت هه‌موو شانازی بکه‌ین به‌و دامه‌زراوه‌ ته‌ندروستیه‌ ده‌گمه‌نه‌ی وڵاتی ئوردونه‌وه‌ که‌ تاڵه‌بانی تێدا چاره‌سه‌رکراوه‌، باشه‌ به‌ڕێز ئه‌ی بۆ تۆ وه‌ک کوردێک و سه‌رۆک کۆمارێک له‌ وڵا‌ته‌که‌ی خۆتدا کوردستان دامه‌زراوێکی ته‌ندروستی ئاوا پێشکه‌وتوو دانامه‌زرێنێت و خزمه‌تی ئه‌و گه‌له‌ هه‌ژاره‌ی خۆت بکه‌ی و ته‌نانه‌ت خۆشت په‌نا ده‌به‌یت بۆ ده‌ره‌وه‌ی وڵات بۆ چاره‌سه‌ریی، ئینجا بزانه‌ چۆن به‌ ڕیزبه‌ندی دوژمنه‌کانی کوردی ڕیز کردوه‌ و یه‌که‌ یه‌که‌ سوپاسی لوتفیان ده‌کات که‌ لێیان پرسیوه‌ته‌وه‌، ئه‌حمه‌دی نه‌ژاد که‌ تاڵه‌بانی شه‌ره‌فی ئه‌وه‌شی داوه‌تێ له‌ژێر کاریگه‌ری به‌نجه‌که‌یدا به‌ دکتۆر ناوزه‌ده‌ی بکات، ئینجا دێته‌ سه‌ر حوسنی موباره‌ک و ئۆردۆگان و فاروق شه‌رعی سوریی، ئیتر پێدا دێت هه‌ر له‌ سه‌ماحه‌تی سیستانیه‌وه‌ تا ده‌گاته‌ مه‌شهه‌دانی و نه‌جه‌فی و کێ و کێ، ده‌توانن بۆ پێکه‌نین کرته‌ له‌سه‌ر ئه‌و به‌سته‌ره‌ی خواره‌وه‌ بکه‌ن بۆ خوێندنه‌وه‌ی ئه‌و چاوپێکه‌وتنه‌ سوپاسگوزاریه‌ی فه‌خامه‌تی سه‌رۆکی عێراق. ئه‌وه‌ی لێره‌دا ده‌مه‌وێت سه‌رنجی بۆ ڕابکێشم، له‌ شوباتی 2007دا مامه‌ دیار نه‌ما و به‌ نه‌خۆشی و نه‌شته‌رگه‌ریه‌وه‌ له‌ ئوردون گیرسایه‌وه‌، ئێستاش 2010 یه‌ و مامه‌ له‌ دوای بیستی شوباته‌وه‌ وونه‌، تۆ بڵێی ئه‌مشه‌ویش که‌ 1 مارتی 2010 یه‌ مامه ‌له‌ سیناریۆیه‌کی دیدا ده‌رنه‌که‌وێته‌وه‌، ئاخۆ کێ بێت ئه‌وه‌نده‌ به‌خته‌وه‌ره‌ بێت که‌ ئه‌مشه‌و بازی مامه‌ به‌سه‌ریه‌وه‌ بنیشێته‌وه‌ و فه‌خامه‌تی سوپاس بارانی بکات!!! یان ئه‌مجاره‌ دیارنه‌مانه‌که‌ی زیتر درێژه‌ ده‌کێشێ و به‌نج و ئازارشکێنی زۆرتریشی پێویسته‌ چونکه‌ سه‌ریه‌شه‌ی گۆڕانیشی هاته‌ سه‌ر ، ئه‌و وتارانه‌ی کوردستانی نوێ و میدیا پوک سه‌ره‌داوێکی وا ده‌ده‌ن به‌سته‌وه‌ که‌ مامه‌ له‌ گرفتدا مه‌له‌ ده‌کات.


http://www.iraqipresidency.net/news_detial.php?type=news&id=3800&language=arabic&type=news