پەیامێك بۆ سەرۆكە سه‌رشۆرەكەى هەرێم!

ئەگەرچى ڕۆژ بە ڕۆژ جەماوەرى چەوساوە زیاتر دێنە سەرشەقام و دەنگى زوڵاڵى ناڕەزاى و پڕ مەینەتى بەڕووى حكومەتە حزبیەكەى پارتى و یەكێتى و گەندەڵیە سیاسى و ئەخلاقیەكانى بەرز دەكەنەوە، بەڵام ئەو مسعودەى كە خۆى بە سەرۆكى شەرعى هەرێمى كوردستان دەزانێت، ئەگەرچى سەرۆكى خروقات و تەزویرە نا ئەخلاقیەكانى پاراستنە، لە گەشت و سەردانە بازرگانیەكانى بەردەوامە، لاى ئەو كوردستان شامى شەریفە و خەڵك بەبێ كێشەو گرفت دەژین لە هەرێمدا.
ئەوەى من مەبەستمە ئەوەیە بزانم كە ئاخۆ كەى ئەو سەرۆك عەشیرەتە لە ئیتاڵیا جاش بووە و هیچ یەكێك لە ئێمە نەیزانیوە، ئەمڕۆ لە پاداشتى جاشایەتیەكەى مەدالیاى ئەتڵەنتیك وەردەگرێت؟ بەڵام لەلایەكى تریشەوە هیچ جێگەى سەرسوڕمان نیە مەدالیا وەربگرێت، چونكە مێژووى خۆى و بنەماڵەكەى پڕە لە خیانەتى نەتەوەیى و سیاسى دژى نەتەوە و خاكەكەمان.
جەماوەر ڕاپەڕینى كرد، كوردستان لەسەر دەستى جەماوەر ئازاد كرا، مسعود و بنەماڵەكەى دواى ئەوەى خەڵك بارزانیشیان ڕزگار كرد، ئینجا ئەوان گەڕانەوە بۆ كوردستان. سەرەڕاى ئەوەى ئەوان تەقەى سەركەوتنى ڕاپەڕینیشیان لە كوردستاندا نەكرد، بەڵام وەك تەواوى كارە نا ئەخلاقیەكانى پێشویان، جارێكى تر و لە 31 ى ئاب، مەرجەعیەتى كوردستان(پەرلەمان)یان كردەوە بە فولكە بۆ سوڕانەوەى دەبابەكانى ڕژێمى بەعس.
بۆیە بۆ دواجار ئاگادارت دەكەینەوە، ئەى سەرۆكە سه‌رشۆڕ و شەرمەزارەكە ، ئەى خاك و میللەت فرۆش، ئەى خیانەتكار، ئەى سه‌دامى كوردى، ئەى مشكى ناو جەواڵ، ئەى سەرۆك عەشیرەتى بارزان، باشتر وایە خۆت نەگەڕێیتەوە، نەك جەماوەر بەشەق بتكەنە دەرێ..