سەرۆك كۆمارى عێراق لە سەر جادەكان چى ئەكا!؟

لە ساتەوەختەكانى بەڕێوەچوونى هەڵمەتى پڕوپاگەندەى هەڵبژاردنەكانى پەرلەمانى ئەمساڵدا زۆر شت جێگاى سەرنجەو هەندێك بابەتیش جێگاى پێكەنینو بگرە هەندێك شتیتریش هەر نازانى چى پێ بڵێى... وێنەى زۆر ئەبینین، سەرۆكى هەرێم دەست ماچ ئەكا!!! سەرۆك حكومەت شەوو ڕۆژى ئەخاتەوە سەر یەكو فریاى بیننیى شارەكانى كوردستان ناكەوێ... هەموو سەركردەكان خۆیان سەغڵەت كردووە، كەس بە كەسە.. هەر كەس بتوانێت زۆرترین دەنگ كۆبكاتەوە بۆ لیستەكەى.. هەڵبەت من بۆ خۆم زۆرێك لەوانە بە شتێكى ئاسایى ئەزانم ، ئەڵبەتە ئەگەر ئەو ژنەى دەستى ماچ ئەكرێ تووڕ نەبێـت لە بڵاوبوونەوەى وێنەكەى!!!؟؟ ئەو كچە جوانەى وێنەكەى بۆتە دیعایەى لیستێك لە سلێمانى داواى یاسایى لەسەر بڵاوبوونەوەى وێنەكەى تۆمار نەكات!!!؟؟ كە نازانین ئەم بەزمانە بە كوێ ئەگا...
لەمانە هەموو خۆشتر ئەوەیە كە سەرۆك كۆمارى عێراقى فیدراڵ بەڕێز (جەلال تاڵەبانى) هەر رۆژەى لەگەڵ خەڵكى شارۆچكەیەكدا خوانى نیوەڕۆ ئەكاتەوە... سەرۆك كۆمارى عێراق ئەوەى یەكێـتىو پارتى نەبێت مەرحەبایى ناكات!!! سەرۆك كۆمارى عێراقى فیدراڵ ئەوەى 5 بە 4 نەبێت ماچى ناكات!!!؟؟
ئەرێ سەرۆك كۆمارى عێراقى فیدراڵ لەسەر جادەكان چى ئەكا؟؟؟
وێنەیەكیم لە ژێر هەردوو دوو قاچى منداڵێكى سەهۆڵەكەى سلێمانیدا بینى... "سەرۆك زێڕە... نا سەرۆك كۆمار بۆ فرۆشتن، تاڵەبانى بە 1000 دینار"، ئەو منداڵە هاوارى ئەكرد...
بیستم وتیان جەماعەتى توركمانەكانیش بەیاننامەیەكیان دەركردووە و وتوویانە سەرۆك كۆمارى عێراقى فیدراڵ بیرى چۆتەوە كە سەرۆكى عێراقێكە هەر ڕۆژەى 1000 كەسى بە تەقینەوە ئەكوژرێن، بیرى چۆتەوە كە ئەمارەتى وڵاتێكى بە دەستە سەرو بنى نیە؟؟؟ دیسانیش بیرى چۆتەوە كە ژنەكەى خانمى یەكەمى عێراقەو خۆى باوكو خانمەكەى دایكى نزیكەى 20 ملیۆن كەسە؟؟؟ هەر بە ڕاست چۆن بیرى بخەینەوە كە 20 ملیۆن كەس لە فیفتى بە فیفتى كوردستان زیاترە.. ئەبێت حساباتى جەنابى سەرۆك هیندە تیژ بێت ئەم حسابانە بزانێت!!! ئەى بۆ وا ئەكات؟؟