دانیشتنی‌ نێوان نه‌وشیروان مسته‌فا له‌گه‌ڵ بارزانی‌ و تاڵه‌بانی له‌ئارادا نیه‌ بزوتنه‌وه‌ی‌ گۆڕان هه‌واڵێكی‌ رۆژنامه‌ی‌ (هاوڵات

بزوتنه‌وه‌ی‌ گۆڕان سه‌رله‌به‌ری‌ هه‌واڵێكی‌ رۆژنامه‌ی‌ (هاوڵاتی‌) ره‌ت ده‌كاته‌وه‌ كه‌ له‌ ژماره‌ی‌ ئه‌مڕۆ (699)ی‌ رۆژنامه‌كه‌دا بڵاوكراوه‌ته‌وه‌ باس له‌وه‌ ده‌كات كه‌ كارئاسانی‌ ده‌كرێت بۆ دانیشتنی‌ نێوان نه‌وشیروان مسته‌فا و تاڵه‌بانی‌ بارزانی‌.
له‌ رونكردنه‌وه‌یه‌كدا كه‌ له‌لایه‌ن نوسینگه‌ی‌ رۆژنامه‌وانی‌ بزوتنه‌وه‌ی‌ گۆڕانه‌وه‌ بڵاوكراوه‌ته‌وه‌ و وێنه‌یه‌كی‌ به‌ (سبه‌ی‌) گه‌یشتوه‌، هاتوه‌: "له‌ رۆژنامه‌ی‌ هاولاَتی‌ ژماره‌ (699)ی رۆژی 23/1/2011دا له‌ مانشێتی‌ یه‌كه‌می‌ رۆژنامه‌كه‌دا بلاَوكراوه‌ته‌وه‌ گوایه‌ كارئاسانی‌ ده‌كرێت بۆ دانیشتنی‌ نێوان "نه‌وشیروان مسته‌فا و تاڵه‌بانی‌ و بارزانی‌"، هه‌ر له‌هه‌واڵه‌كه‌دا هاتوه‌ گوایه‌ سێ‌ لیژنه‌ له‌هه‌رسێ‌ لا پێكدێت و ئه‌و لیژنانه‌ دانیشتنی‌ خۆیان ده‌كه‌ن و پاشان كار بۆ دانیشتنی‌ لوتكه‌ی‌ نێوان هه‌ر سێ‌ سه‌ركرده‌كه‌ ده‌كرێت، له‌مباره‌یه‌وه‌ محه‌مه‌د تۆفیق ره‌حیم وته‌بێژی‌ بزوتنه‌وه‌ی‌ گۆڕان رایگه‌یاند: ئه‌وه‌ سیناریۆیه‌كی‌ دروستكراوه‌ و دوره‌ له‌راستی‌ و هیچ لیژنه‌یه‌كی‌ له‌و جۆره‌ له‌ئارادانیه‌.
وتیشی‌: دانیشتنی‌ نێوان نه‌وشیروان مسته‌فا له‌گه‌ڵ بارزانی‌ و تاڵه‌بانیش له‌ئارادا نیه‌، هه‌روه‌ها بزوتنه‌وه‌ی‌ گۆڕان به‌ته‌واوه‌تی‌ ئه‌و هه‌واڵه‌ ره‌تده‌كاته‌وه‌.