مەلا بەختیار و کادیرەکانی یەکێتی ئەم دوو ڤیدیۆیە ببینن

لە کۆڕەکەی مەلا بەختیار، لەشاری ستۆکهۆلم کاتێک بواریان نەدا سەرنجەکانی خۆم دەرببڕم و پۆلێک کادیری کۆمیتەی سوێدی یەکێتی , شەقاوە ئاسا , هەوڵیان دا ئازاری جەستەیم بدەن ، لەم ڕۆژ بەدواوە بەشیوازی جۆراو جۆر هەولی سوکایەتی پێ کردنم دەدەن ، لە مالپەری واڵا پرێس ، تۆمەتی هەلسوڕاوی گۆرانیان داوەتە پاڵم و ڕۆژی دوای کۆڕەکەش کادیرێکیان بەنازناو راپۆرتە هەواڵێکی بۆ کوردستان پۆست ناردوە ، کە گوایە بە فیتی کۆسرەت ڕەسول سوکایەتیم بە مەلا بەختیارم کردوە (بڵاو نەکرایەوە) لەچەند نوسینێکی هەزەلی و بەنازناویش لەماڵپەرەکەی عومەر فارس بە کەسێکی ئاژاوەگێر لە قەڵەمم دەدەن، لەلای گۆڤارەکەی دەزگای زانیاریش کەپیاوە هەرەسوکەکەی یەکێتی (جەمال) سەرپەرشتی دەکات، لە دوو پارچە شیعری دوالاپەرەی ژمارە 16 و 17یان ، شیعر بارانیان کردوم (قسەی زل دەکەم) ئەمە جگە لەچەندین چیرۆکی جیا جیای تریشم پێ گەیشتۆە ؟ ... لەم 70 ڕۆژەدا ، هەولمدا، خەریکی وەڵام و وەڵامکاری نەبم ، بەتایبەتی کەسە سوکەکانیان ، بەڵام کەهەلمەتەکەیان بەردەوامە تا 17 ی ئەم مانگە و بەو ئاستە نزمە، (نازناو نوسین ، شیعر باران ، ناوزەدکردن بە ئاژاوە گیر و بۆ خۆ دەرخستن گوایە وام کردوە .... دەیان چیرۆکی سەیرو سەمەرەی تر ناچارم لەسەری بوەستم ، بەڵام لەسەر ئاغاکانیان ، نەوەک مناڵە سیاسیە کانیان ، وەپێویستە تاکی کورد ئەو کەلتورە بشکێنێت (بێدەنگ بون لەمافی خۆی) وە بوار نەدات ، هەلپەرست و ترسنۆک مافی پێ شێل بکەن، کە بەر لەبەراورد کردنی نێوان دوو رووداوی جیا لەسوێد و ئەلمانیا بەپێویستی دەزانم دوو سەرنج بدەم

یه‌که‌م: .بەرپرسی کۆمیتەی سوێدی یەکێتی سەردار ئەمین دەڵیت قادر بۆخۆ دەرخستن وای کردوە!؟ سەردار وا دەزانێت خەلک وەک ئەو سوکە ، بەیەک دیدار و سەفەر بۆ کوردستان لەکادیرێکی ریفۆرمەوە سەنگەربگوازتەوە بۆ ناو لانکەی گەندەڵەکان ، . ئاخر جیاوازی من و تۆ لەوەدایە ، تۆ لەبەرامبەر بەرپرسی وەک مەلا بەختیار و ئازاد جوندیانی دەبیە کۆیلە منیش بەو شیوەیە بینیت قسە دەکەم . وە ده‌رچوی مێژوم ده‌زانم ئه‌وکارانه‌ی له‌گه‌ل ده‌یان هاوڕێم ئه‌نجاممان داوه‌ ، سبه‌ی لەمێژوی کورد لاپه‌ره‌ی زۆر گرنگ دەگرێت. دواتر بیرتانە کەمەلا بەختیار لە ساڵی 2008 هاتە سوێد و دیداری لەگەڵ پارتی چەپ کرد کە، له‌سه‌رجه‌م میدیاکانی یەکێتی ، به‌گرنگیه‌وه‌ باس له‌دیداره‌که‌ی له‌گه‌ل لارش ئۆهلێ دەکرد ، ئه‌وکه‌سه‌ی داوایان لێکردبوو کەدیدارەکەیان بۆ ڕێک بخات من کردومه‌ته‌ ئه‌ندامی چاک ، وەلارش ئۆهلێ سه‌رۆکی پارتی چه‌پم کردۆته‌ ئه‌ندامی فه‌خری . که‌ جوان نیه‌ چه‌ندین نمونه‌ی وا بهێنمه‌وه‌ ، که‌یه‌کێتی به‌و زل وزه‌به‌لاحه‌ مادی و یاسایی و هاوسۆسیال ئه‌ندام بونه‌ی له گه‌ل سۆسیال دیموکراتی سوێدی که‌چی ئه‌و نوێنه‌رانه‌ی دێنه‌ کۆنفرانس و کۆنگره‌ و خۆپیشاندانه‌کانی ئێمه‌ تائێستا ئێوە نەتان توانیوه‌ بیان هێنته‌ ورده‌ چالاکیه‌کانیان. بۆیه‌ چ پێویستم به‌ خۆده‌رخستن هه‌یه‌ کاتێک ئێوه‌ کۆیله‌ و ئه‌وه‌نده‌ دواکه‌وتوبن له‌چاو ئێمه‌ له‌ناو حزبه‌ سوێدیه‌کان ؟
دووه‌م: نازانم چۆن شه‌رم ناتان گرێت له‌کاتێکدا ده‌یان جار یه‌کێتی وپارتی که‌مپین و هه‌لمه‌تی راگه‌یاندنی چه‌ند ڕۆژه‌ی ئه‌نجام دەدەن کە خەلک له‌مالپه‌ره‌کان سوکایه‌تیان پێ ده‌کرێت . که‌چی بەندە به‌ خۆم هاتومەتە کۆره‌که‌تان وله‌به‌رده‌متان قسه‌م کرد ، بەڵام ئێوه‌ به‌نازناو بازاری قسه‌م پێ ده‌لێین.
ئه‌وه‌ی واشی کرد ئه‌م بابه‌ته‌ درێژه‌ بێنمه‌وه‌ به‌رچاوی خوێنه‌ران ، له‌ دومانگی رابردو تائێستا به‌شیوازی جۆراو جۆر قسه‌ و نوسینی بازاری ده‌نوسن ، دواتر ئه‌و زانیاریانه‌یان پێداوم که‌ ئه‌مه‌ بریاری پیاوه‌ سوکه‌که‌ی یه‌کێتی (جه‌مال) نییە بەڵکو مەلا بەختیارە ،
لەم به‌شه‌دا ته‌نیا ئه‌وه‌ به‌خوێنه‌ر ده‌لێم فه‌رمون سه‌یری مه‌لا به‌ختیار و کۆمیته‌ی ئەڵمانیای یه‌کێتی بکه‌ن ، که‌ ته‌نیا دو تورک لەناو پیشانگایەکی پەرتوک دا لەئەلمانیا کاتێک هیڕش دەکەنە سەریان ، خودی مەلا بەختیار چەندین کادیرو ئەندامیان چۆن لە شوێنە کە چۆن هەلدێن ولەکاتێکدا تورکەکە لەبەرچاوی هەمویان قسە و سوکایەتی بەکورد دەڵێت و وەنەخشەی کوردستان دەدرێنێت ئەوکات ت یەک کادیریان کەڕامەتی دەجولێت و خۆی گیڤ دەکاتەوە ئەگەرنا سەرجەم کادیرو ئەندامانیان لەرزۆکانە بێ دەنگ دەبن . وەسەیر بکەن چۆن مەلا بەختیار لەدوای ئەم ڕوداوە لەقسەکردن دەشلەژێت. تکایە بەوردی سەیری ئەم لینکەی خوارەوە بکەن



بەڵام پێچەوانەی ئەوە ببینن ، چۆن لەکۆرەکەی ستۆکهۆلمی لە ١٧.٠١ ٢٠١٠ کاتێک تەنیا هەولم دا قسە بکەم بواریان نەدا ، دواتر ڕەخنەم لێ گرتن کە ئەگەر کۆڕ بۆ خۆتان دەگێرن پێویست ناکات بلێین بۆ هەمو خەڵکە ، پۆلێک ئەندامیان شەقاوە ئاسا هێرشم بۆدەهێنن وەلەسەرەتاوە مەلا بەختیار چۆن هاوار بەسەرمەوە دەکات و دەلێت(دەقسە بکە و بیبڕێنەوە)

http://www.kurdistanpost.com/view.asp?id=729bb344



بۆیە مافی خۆمانە بپرسین ئەمە سیفە تی کام جۆرە مڕۆڤە کەدەستی هەیە زاڵمە و ناشیبێت خۆی دەشارێتەوە!؟ یان بۆ لەبەرامبەر ئێمە وا قارەمانن لەبەرامبەر تورکانیش ترسنۆک و لەرزۆک!؟

بۆ زانیاری پێشوو لەسەر ئەم مەسەلەیە کلیک لەسەر ئەم لینکانە بکەن:

http://www.kurdistanpost.com/view.asp?id=014aaf49

http://www.kurdistanpost.com/view.asp?id=796d8ca3

http://www.kurdistanpost.com/view.asp?id=342bfaa2

لە بابەتی ئایندە ئاماژە بەوە دەکەم، کە چۆن کۆمیتەی سویدی یەکێتی بەرپرسی کۆمیتەیان سزا دا لەسەر ئەوەی ناوی یەکیتی لەسەر یاداشتێک هەبوو کە پژاکیشی تیا بوو ، چونکە بەپێی بیرورایە نەتەوەیەکانی هەندێ کادیریان پژاک هێزێکی تیرۆریستە!؟
درێژەی دەبێت ئەم جۆرە رەخنانە.