مەسرور کوڕی باوکی خۆیەتی

وەک خۆم کوردێکی ڕەگەزپەرست نیم، بڕواشم بەوە نییە کە میللەتی ژێر دەستە پێناسەی رەگەزپەرستی بیگرێتەوە، چونکە ئێمە لە نیشتیمانێکداین هەموو نەتەوەکانی تر لەناو ئەو نیشتیمانە لەگەڵماندان، دەبێت پێکەوە خەبات بۆ رزگاریی و ئازادی بکەین، ئەوەی پێچەوانەکەی بیر دەکاتەوە، بە مەبەست ئەوە دەکات، کە کورد لە هەموو بەهامرۆییەکانی دابڕێت و مافی ئازادیی و سەربەخۆیی لێبسەندێتەوە، هەرچەند من بۆ ئەمڕۆ ئەوەی لە ناوچەکە دەگوزەرێت، ئەوەی هەمیشە لە بیر و هزری مندا دێن و دەچن ئەو مێژووە رەشەیە کە کورد لە ناو عێراقدا تۆماری کردووە و دەیان ئەنفال و کارەساتی ناخۆشی بەسەر هێنراوە، بۆیە هیوادارم  کە کۆی گشتی ئەو ووڵاتەی ناوی عێراقە خاوەنی یەک دەنکەشقارەتە نەبێت تا خوانێکی پێ ئامادەبکەن ئەم نۆڕینەم لەو دەروازەیەوە سەرچاوەی گرتوە خۆئەگەر سەرانی داگیرکەری عێراقی بەدرێژایی مێژوو بەزەبری سوپاکەی هەوڵی قڕکردنی نەتەوەکەمیان نەدایە ئەوا ئێستا نەدەبوینە خاوەنی کۆمەڵێک سەرکردەی خائین لە مەلامستەفاوە بیگرە تا دەگاتە یەک بەیەکی نەوەکانی، دواهەمیشیان قۆناغی مەسعودی مام و باوک، کە وەک دەسەڵاتی بکوژو بڕ، بێڕکابەری ئەوەی ناوی لێنراوە ئەزموونی هەرێمی کوردستان بۆهەریەکە لە نێچیری برازای و مەسروری کوڕی جێهێشتووە.
ساڵی 1987 کاتێک سوپای داگیرکەری بەعس چی لەلۆجیستیکی سەربازی هەبوو خستیەگەڕ بەئامانجی گرتنی بنکە و بارەگاکانی شۆڕش کە ئەودەمە یەکێتی نیشتمانی کوردستان ڕێبەرایەتی دەکرد .
بەفەرمانی کاک نەوشیروان کەرتی سێ و کەرتی یەکی تیپی 31ی سلێمانی ڕاسپێردراین بچینە شاخی کونەکۆتری پشتی گوندی کۆڵەرد ستراتیژی سەربازی قایمکردنی سەنگەرەکانی پێشمەرگە لەم شاخەدا قفڵکردنی هێزەکانی سوپای بەعس بوو تانەتوانن بگەنە گوندەکانی قوڵەجاغ و مێوڵاکەو چۆخماخ و گوندی یاخسەمەر کەهەم مەکتەبی سیاسی یەکێتی لێبوو هەم ماڵی خودی جەلال تاڵەبانی و هێرۆی هاوسەری.
کاتژمێر یەک ونیوی شەو دوای تۆپ بارانێکی زۆرهێزەکەی بەعس دەستیان بەهێرش کرد سەربازەکان وەک دڕندە هێرشیان دەکرد یەکیکیان دەکوژرا بازیان دەدا بەسەریدا وەک پێشمەرگەیەکی ئەوشەوە خۆم چاوم لێبوو سەربازێک کوژرابوو کەچی سەربازێکی ترلاشەی هاوڕێکەی کردبوو بەسەنگەر و تەقەی  لێمان دەکرد.
کاتژمێر 5ی بەیانی بوو دوای ئەوەی کۆی هێرشە یەک لەدوای یەکەکانمان شکاند چەند سەربازێکیشمان بەدیل گرت دیلەکانمان بەڕێزەوە هێنایە سەنگەرەکانی پشتی لوتکەی شاخی کونەکۆتر.
بەو پێیەی کە من زیاتر لەهاوڕێ پیشمەرگەکانم زمانی عەرەبیم دەزانی، ئەو بەیانیە بوومە موتەرچیم ئەوسەربازانەی بەدیلمان گرتبوو هەم ڕوخساریان لەیەکترنەدەچوو وەک ڕەگەزی عەرەب هەم فۆنەتتیکی قسەکردنیشیان جیاوازبوو وەک زمانی عەرەبی.
کاتێک یەکێک لەو دیلانەم دواند بەزمانی عەرەبی هیچ وەڵامی نەدامەوە وەک ئەوە وابوو بەزمانێکی تر لەگەڵیدا بدوێم، مولازمێکی دیل لە تەنیشتیەوە بوو پێی ووتم : ئەمانە عێراقیی نیین، سەربازی سوپای عێراقیش نیین، ئەمانە خەڵکی سودان و یەمەنن، سەدام حسێن بە جوڵاندنی هەستی شۆفینی پان ئیسلامی دژی گەلی کورد ئەم عەرەبە مێشک پووچانەی هێناوە و هانی داون بەوەی: گەرئەم شاخە بگرن وەک ئەوە وایە داستانی قەڵای خەیبەری سەردەمی محەمەدی پێغەمبەر نۆژەن بکەنەوە.
ئەسڵی مەبەستم لەم نووسینەدا ئەوەیە خۆپیشاندەرانی بەغداد و شارەکانی تری عێراق، گڕیان بەرداوەتە سەرانی گەندەڵی ستافی نوێی حکومەتی نوێی عێراق کەچی تازە بەتازە
لەبەرواری ٢-١٠- ٢٠١٩ مەسروری بەناو سەرۆکی حکومەتی نوێی هەرێم شەکر دەشکێنێت و لە میانەی وتارێکیدا بەناوی ستراتیژی هەرێمی کوردستان دەڵێت:
گەشەی بەهێز لەگفتوگۆکانماندا لەگەڵ بەغدا هەیە هەر بەوەشەوە نەوەستاوە ودەڵێت:
بۆ سەقامگیریی هەر ووڵاتێک تەبایی و یەکڕیزیی خەڵکی وڵاتەکە پێویستە.