دۆسیەی مەلا یاسینی ئیدارەی گشتی یەکێتی و تەعریب

سەرەتا وەک تێبینی : کەس ناڵێت با عەرەب یا هەر گەشتیارێکی دیکە نەیەت بۆ کوردستان بە پێچەوانەوە کەرتی گەشتیاری کۆڵەکەی ئابوریە بۆ نیشتەجێبونی کاتی ئاساییە بەڵام کاتێک باس لە نیشتەجێبونی دائیمی و تاپۆکردن دێت لێرەدایە کە مەترسی لەسەر کوردستانیبونی باشوور دروست دەکات .

با بە داتا مەترسی تەعریبکردنی کوردستانتان پێ بڵێم کە میدیاکان لێتان دەشارنەوە و بازرگان و موستەفیدەکانی حزب بانگەشەی نەبوونی مەترسی عەرەب ئەدەن بە گوێتاندا

لەئێستادا لەھەرێمی کوردستان نزیكەی ملیۆنێك و 35 هەزار، عەرەب لە هەرێمی كوردستاندایە ، لە هەولێر 600 هەزار عەرەب هەیە كە ٥٧.٩٪ ی کۆی عەرەبەکانی ھەرێم، واتا ٢٩٪ی دانیشتوانی ھەولێر لە ئێستادا عارەبن واتا زیاتر لە ڕێژەی عارەب لە که‌رکوک، لە 15 ساڵی داھاتودا گەر تەنھا ئەمانەبن و بە لێشاوی دیکە نەیەنە ھەولێر، ئەوا ژمارەیان دەبێتە نزیکەی ٩٠٠ ھەزار، کە ڕێژەکەیان دەبێتە ٣٠٪ی دانیشتوان .هەروەها، لە پارێزگای دھۆک 275 ھەزار كە ٢٦.٥٪ ی کۆی عەرەبەکانی ھەرێمە و واتا لە ئێستادا، ١٦٪ی دانیشتوانی دھۆک عەرەبن، لە 15 ساڵی داھاتودا دەبنە نزیکەی ٤٢٠ ھەزار کەس.لە بارەی سلێمانییەوە دەڵێت: پارێزگای سلێمانی، ١٦٠ ھەزار عەرەبی تێدایە ١٦٪ ی کۆی عەرەبەکانی ھەرێم و واته‌ ٧٪ی کۆی دانیشتوانی ئیستای سلێمانی عەڕەبن، لە 15 ساڵی داھاتودا ژمارەیان دەگاتە ٣٠٠ ھەزار کەس و زیاتریش ، بەگشتی لەئێستادا عەرەب ١٦٪ ی کۆی دانیشتوانی ھەرێمن، لە ماوەی ١٠ ساڵدا، ١١٪ ڕێژەی عەرەب لە ھەرێم زیادیکردووە، واتا بۆ ١٥ ساڵی ئاییندە بەلای کەمەوە ڕێژەکەیان دەبێتە ٢٥٪ی کۆی دانیشتوانی ھەرێم، جا ئەوکات ئەبێت ھەلیکار و نان و خوێندنگە و جادە و خانویش بۆ ئەوان دابین بکرێت.