چەند زانیاریی و راستییەکی دیکەش لە پشت خنکاندنی زانا حەمە ساڵحەوە هەیە

که‌سانێکی نزيک له‌ حاکم قادر حه‌مه‌جان ده‌ڵێن زانا حه‌مه‌ساڵح به‌ر له‌ ده‌ستگيرکردن و چوونه‌ به‌رده‌می دادگا . چه‌ند جارێ سه‌ردانی قادر حه‌مه‌جانی کردوه‌ . له‌و سه‌ردانه‌يدا زۆر به‌ په‌شۆکاوی بينراوه ‌به ‌دووقۆڵی له‌گه‌ل حاکم قادر به‌ته‌نيا کۆبۆته‌وه‌ و له‌ دوای کۆبوونه‌وه‌کان هيچ شتێکی نه‌درکاندوه‌، ئه‌وه ‌نه‌بێ گوايه له‌ کاتی خواحافيزيکردن له‌ زانا، حاکم قادر پێی گووتوه‌ . هيچ خه‌مت نه‌بێ و ده‌وامی خۆت بکه‌ و من خۆم ئه‌و کاره‌ چاره‌سه‌ر ده‌که‌م؟ ئه‌و کارە چيیه‌ و چۆنه‌؟ ئه‌وا نهێنی بووه‌ له‌ نێوان خۆياندا.
به‌ ووته‌ی هێندێک له‌ کارمه‌نده‌کانی قائيمقاميه‌ت ده‌ڵێن، کە زانا حه‌مه‌ ساڵح قايمقام بووه‌ به‌ڵام . هه‌موو فه‌رمانێک له‌ حاکم قادره‌وه‌ ده‌درا بۆ هه‌رپرسێکی ئابوری زه‌وی و زۆر شتی تر، دياره‌ مه‌سه‌له‌ی تێوه‌گلان به‌ به‌رتيل وه‌رگرتن و فرۆشتنی دوو هه‌زار دۆنم زه‌وی کشت و کاڵی . ئه‌وه‌ ته‌نيا له‌ قودره‌تی حاکمه‌ موتڵه‌قکه‌ی سلێمانيه‌ ئه‌ويش مه‌ليک قادر حه‌مه‌جانه‌. هه‌موو هێمايه‌ک و ڕای خه‌ڵک له‌و باوه‌ڕەدان، که‌ قادری حه‌مه‌جان له‌ دوای کوشتنی زانا حه‌م ه‌ساڵحه‌ چونکه‌ که‌سی يه‌که‌م له‌و تيوه‌گڵانه‌ قادری حه‌مه ‌جانه‌ ئه‌و کاره‌شی بۆ به‌رژه‌وه‌ندی تايبه‌تی خۆی ئه‌نجام داوه‌، که‌سوکاری زاناش ده‌ڵێن که‌ ئه‌وان ديکۆمنتيان لايه‌ به‌ناوی ئه‌و که‌سانه‌ی له‌و که‌يسه‌دا تێگڵاون و گوايه‌ زانا بەر‌ له‌ دەستگيرکردنی ناوی چه‌ند که‌سێکی بردوه‌ که‌ ده‌ستيان له‌ پشتی داوه‌ و بێ منه‌تيان کردوه‌ له‌ دادگا و لێپێچينه‌وه ‌و گووتوويه‌تی ئه‌وە هيچ په‌يوه‌نديیه‌کی به‌ يه‌کێتییەوە نیيه،‌ به‌ڵکو ئه‌و که‌سانه‌ ته‌نيا بۆ به‌رژه‌وه‌ندی خۆيان ئه‌و کاره‌يان ئه‌نجامداوه‌.