بەیانامەى مه‌كته‌بی راگه‌یاندنی یه‌كگرتووی ئیسلامی كوردستان ئیدانه‌ی فراندن و كوشتنی قوتابی رۆژنامه‌نووسی سه‌رده‌شت عوسمان ده‌كات .

پاش دوو رِۆژ له‌ رفاندنى له‌ لایه‌ن چه‌ند كه‌سێكى نه‌ناسراوه‌وه‌ ، رِۆژى پێنج شه‌ممه‌ 6/5/2010 ته‌رمى قوتابى زانكۆو رِۆژنامه‌نوس (سه‌رده‌شت عوسمان) له‌ شارى موسڵ دۆزرایه‌وه‌و هه‌مان رِۆژ ته‌رمه‌كه‌ى بۆ هه‌ولێر هێنرایه‌وه‌..

ئێمه‌ له‌ مه‌كته‌بى رِاگه‌یاندنى یه‌كگرتوو رفاندن و كوشتنى سه‌رده‌شت به‌ توندى ئیدانه‌و مه‌حكوم ده‌كه‌ین و به‌ زه‌نگێكى مه‌ترسیدارى ده‌زانین بۆ سه‌ر هاووڵاتیانى كوردستان و ئازادى رِۆژنامه‌نوسى له‌ هه‌رێمه‌كه‌ماندا.. هه‌روه‌ها ئه‌وه‌ش به‌ بیرى هه‌مولا ده‌هێنینه‌وه‌ كه‌ قوتابیان وه‌ك توێژێكى زانستخوازو ئاشتیخوازو زانكۆ و خوێندنگاكان وه‌ك ناوه‌ندى زانست و فێركردن ، پێویسته‌ ژیان و ئه‌منیه‌تیان پارێزراو بێت.

بۆیه‌ داوا له‌ ده‌زگا به‌رپرسه‌كان ده‌كه‌ین كه‌ ئه‌وپه‌رِى هه‌وڵ و تواناى خۆیان بخه‌نه‌ كار بۆ دۆزینه‌وه‌ى تاوانباران و گه‌یاندنیان به‌ سزاى یاسایى عادیلانه‌یان ، له‌ هه‌مان كاتدا گرتنه‌به‌رى رِێ و شوێنى پێویست بۆ پاراستنى گیانى هاووڵاتیان له‌و جۆره‌ مه‌ترسیانه‌..

هه‌روه‌ها له‌ خواى به‌خشنده‌و میهره‌بان داواى سه‌برو ئارامى بۆ خانه‌واده‌و كه‌س و كارو هاوكارانى (كاكه‌ سه‌رده‌شت) ده‌كه‌ین...

إنا لله و إنا الیه راجعون

7/5/2010