گوران بو...؟!
27/04/2011, 12:00 (GMT+1)
دماوەكێ كێم دا ئێكەم هەلبژارتن ل هەرێما كوردستانێ دەستپێكر و كورسیێن پەرلەمانى دناڤبەرا ڤان هەردوو دەستهەلاتا هاتە دابە شكرن ب شێوێ ففتى ففتى.
ڤان هەردوو دەستهەلاتێن سیاسى هەیمەنەتا خو یا هزرى ب سەر خەلكێ كوردستانێ دا سەپاند و هیچ ڤالەتیەك نەهێلا بو پارتێن دى یێن سیاسى كو سەرهلدەت و ئەڤ چەندە ژى راست بو.
پشتى دامەزراندنا ئێكەم حكومە ت كو نیڤ ب نیڤ یا دابەشكرى بو دناڤبەرا وان دا.
زور ڤەنەكێشا و شەرێ ناڤخویى ل هەرێما كوردستانێ پەیدابو هندەك رێكخراوێن بناڤێ خێرخوازى گەشەكر و سەرهلدانەكا دى دەستپێكر ئەوژى دانا بەرى بناغێ ئیسلاما سیاسى ل كوردستانێ.
دڤى ماوەى دا پروژەك ژلایێ ئەمریكا ڤە هاتە راگەهاندن ژبو جاكسازیا روژهەلاتا ناڤَێن ئەوژى"پروژەى روژهەلاتا ناڤێن یا مەزن(مشروع شرق الاوسگ الكبیر)"
ئێكەم پێنگاڤ ل سالا(1991)بو عیراق هاڤێت و پێنگاڤا دووێ بو ئەفغانستان.
بێ گومان ئەمریكا بەرژەوندێن خو هەنە و هەمى دەما نە دوستى دوستە و نە دوژمنى دوژمنە.
ل ڤێرێ ژبو بەرژەوندێن خو هەردوو سەركردێن پارتى وئێكەتى هاتنە بانگەشەكرن و پروتو كولەك یا درێژخایەن دناڤبەرا واندا ئیمزا كر وەك دەستكەفتەك بخو بكارئینا.
ل ڤێرێ من دڤێت ئەو تشتێ ئەز پێ مەبەست دیار كەم ئێكەتى نیشتمانى كوردستان و پشتى ئیمزاكرنا پروتوكولا درێژخایەن كەتە ژێر هندەك فشاران ئەوژى ئێك ئیمزاكرنا پروتوكولێ,دوو بو ئەندامبونا رێكخراوا سوسیال دیموكرات وسێ ژ ئەگەرێن خەلەتیا شەرێ ناڤخویى پەیدابونا پارتێن سیاسى یێن ئیسلامى چوار سەركردایەتیا"ی.ن.ك"گەهشتنە وێ باوەرێ كو پشتى ئیمزاكرنا پروتوكولى ناڤبرەك دێ دوروست بیت دناڤ بەرا سیاسەتا وێ لایەنگر و ئەندامێن وێ.
خالا ئێكێ ژلایێ ئەمریكا ڤە سەر هاتە دوپات كرن و پاشكەشە تێدا نینە.خالا دووێ بونا وى دڤێ رێكخراوێ دادڤێت بو دیار بكەت كە ئامادەیە پەیرە و پروگرامێ وێ ل هەرێما كوردستانێ پەیرەوبكەت.خالا سیێ پەیدابونا هزرێن سیاسى ئسلاما توندترەو نەچار دبیت دگەل سیاسەتا ئەڤرو یا هەرێما كوردستانێ بگونجیت وژلایەكێ دیڤە نەچار دبیت دڤێت ئوپوزسیونەكا دى ل هەرێما كوردستانێ بدامەزرینین ژبەركو ژلایەكى ڤەدا پارتێن سیاسى یێن ئیسلامى گەشە نەكەت ژلایەكێ دیڤە ئەو حەفت سالێن خویناوى دناڤبەرا ئێكەتى وپارتى دا خەلكێ نەرازیە بو ڤێ چەندێ كو ئەڤ پروتوكولە بڤى شێوەى بیت دێ پەیوەندى ب ڤان رێكخراوا ڤەنەكەت لەوراو نیڤەكا سەركردایەتیا ئێكەتى نیشتمانى كوردستان ل خو دێرئێخست ورەوتەك بناڤێ گوران دامەزراند و هێدى هێدى خەلكێ كو نەرازى ب ڤى پروتوكولى پەیوەندى ب رەوتى گوران ڤە دكر.
گەلەك جارا هەڤال مام جەلال ئەڤ ئاخڤتنا خو دوپات دكەت و دبێژیت پارتى ب شەرى نى ژەن دبیت و بەرفرەهیێ پێگریێ ب وان پروتوكولا ناكەت ئەڤێن ژ پەرلەمانێ دەردكەڤن چونكە پارتەكا خیلەكیە و ب دەرەبەگى تێنە نیاسین لەوما رەوتێ گوران و هەبونا ڤى رەوتى بو قوناغا ئەڤرو یا هەرێما كوردستانێ پێتڤیە.
گوران شیا ببیتە ئەلترنەتێف بو پارتێن ئیسلامى و پارتى بخو و شیا ئەڤرو دەنگێ نەرازى بونێ ل پەرلەمان و شەقاما هەرێما كوردستانێ پەیدابكەت.
ب هزرا من ئەڤە دەستكەفتا هەرە مەزنە كو ئەڤرو ل هەرێما كوردستانێ پەیدابوى و بێ گومان ئەڤە سەروەریە ژى بو هەڤال مام جەلال سیاسەتا ئێكەتى نیشتمانى كوردستان دزڤریت.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
