هه‌ڵبژاردن ده‌بێته هۆی ڕاماڵینی گه‌نده‌ڵی
01/11/2009, 12:00 (GMT+1)
یه‌کێک له مژده دڵخۆشکه‌ره‌کانی هه‌ڵبژاردن ئه‌وه‌یه که ده‌بێته هۆی ڕاماڵینی گه‌نده‌ڵی و هێنایه کایه‌ی که‌سانێکی شاره‌زا و پسپۆر به‌ڵام ئه‌وه‌ی ئێمه ئێستا له حکومه‌تی تازه‌دا ئه‌یبینین هه‌ر حکومه‌ته کۆنه ئێکس پایه‌ره‌کی چوارساڵ له‌مه‌و پێشه.من حه‌ز ئه‌که‌م لێره‌دا بناغه‌ی حکومه‌ت بخه‌مه ڕوو که ته‌نها خۆی له چه‌ند وه‌زاره‌تێکدا ده‌بینێته‌وه ئه‌ویش وه‌زاره‌ته‌کانی (سامانه سروشتیه‌کان - به تایبه‌ت نه‌وت - ، به‌رگری -پێشمه‌رگه- ، دارای و ئابوری) که ئه‌مانه بڕبڕه‌ی پشتی وڵاتن که هه‌موو وڵات و هه‌رێمێک له‌م سێ ڕووه‌وه توانی خۆی بگه‌یه‌نێته لوتکه ئه‌وه به دڵنیایه‌وه وه‌ک وڵاتێکی وه‌ک ئه‌مریکا ئه‌بێته زل هێز،ئێمه ناڵێین هه‌رێمی کوردستان بگاته ئاستی ئه‌مریکا به‌ڵکو کارێکی وا له هه‌رێمه‌که‌مان بکرێ که له کاتی ڕوودانی بارێکی نا ئاسایی له هه‌رێمه‌که‌دا ئه‌و سێ بنچینه‌یه فریای بکه‌وێ بۆ نمونه له کاتی ڕوودانی بارێکی نایاسای له ئابووری وڵاتدا وه‌ک چۆن له‌م ساڵانه‌ی دوایدا به‌سه‌ر ئه‌مه‌ریکا هات چونکه خاوه‌نی بناغه‌یه‌کی به هێزی ئابوری بوو نه‌یتوانی شکست به‌و وڵاته بهێنێ هه‌رچه‌نده زه‌ره‌رێکی زۆری کرد، به‌ڵام هه‌رێمه‌کی ئێمه له لایه‌ن چه‌ند که‌سانێکه‌وه ده‌ست به‌سه‌ر ئه‌وه سێ وه‌زاره‌ته‌دا گیراوه به جۆرێک ئاماده نین ئه‌وه وه‌زاره‌ته بیه‌نه ده‌ست کاسانێکی سه‌ر به خۆیان ئه‌وه‌تا حکومه‌تی نوێ ڕاگه‌یه‌نرا که‌چی هیچ له‌م سێ وه‌زاره‌ته نوێ نین که ئه‌ڵێین حکومه‌تی نوێ به واتای نوێکردنه‌وه له هه‌موو وه‌زاره‌ته‌کاندا به‌ڵام ئێستاش وه‌زیری سامانه سروشتیه‌کان ئاشتی هه‌ورامیه و وه‌زیری پێشمه‌رگه شێخ جه‌عفه‌ره و وه‌زیری دارای و ئابووری هه‌ر بایز تاڵه‌بانیه ئه‌مه به‌س بزانم به چ واتایه‌ک پێی ئه‌ڵین حکومه‌تی نوێ،ئاشکرایه هۆکاری ده‌ست به‌رنه‌یانی ئه‌م سێ وه‌زاره‌ته چیه چونکه هه‌ردوو لایه‌نی ده‌سه‌ڵات ئه‌و نانه‌ی ئه‌یخۆن سه‌رچاوه‌که‌ی وه‌زاره‌تی دارای و سامانه سروشتیه‌کانه با جوانتر بڵێین وه‌زاره‌تی نه‌وت بۆیه ده‌ست له‌و دوو وه‌زاره‌ته به‌ر نایه‌ن به ئاسانی وه تاکه سه‌رچاوه‌یه‌ک بۆ ترساندی خه‌ڵک وه‌زاره‌تی پێشمه‌رگه‌یه وه‌ک بینیمان که له کاتی هه‌ڵبژاردندا وه‌زیری پێشمه‌رگه به ده‌ستی خۆی چۆن خه‌لکی ئه‌ترساند بۆیه واز هێنان له‌م وه‌زاره‌ته‌ش خه‌وه چونکه تاکه هێزه بۆ هێشتنه‌وه‌یان له ده‌سه‌ڵات ، به‌ڵام له‌وانیه که‌سانێک دڵ به‌وه خۆش بکه‌ن سه‌رۆکی حکومه‌ت گۆڕاوه به‌ڵام من ئه‌وه‌نه‌ی بزانم هه‌ر نێچیرڤانه به‌ڵام به شێوه‌ی به‌رهه‌م ساڵح چونکه ئه‌وان که‌سێک دانانێن که قازانجی بۆ هه‌ردوولا نه‌بێ و جگه له‌وه‌ش یاسایه‌ک به فرمانی هه‌ردوو سه‌رۆک حیزب نه‌بێ ئه‌وه بڤه‌یه نابێ ده‌ربکرێ له لایه‌ن سه‌رۆک حکومه‌ته‌وه که‌واته ئه‌میش کارتۆنێکه وه‌ک باوه شێن به ده‌ستیانه‌وه دێت و ده‌چێت که‌واته ئه‌میش هیچ نه‌گۆڕاوه.
یادگار هه‌مه‌وه‌ندی/سلێمانی
یادگار هه‌مه‌وه‌ندی/سلێمانی
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
