حکومه‌تی عێراق زیاتر له‌ خه‌می پاراستنی شوێنه‌واره‌ کوردییه‌کاندایه‌، نه‌ک حکومه‌تی هه‌رێم

ئه‌م نامه‌یه‌ی خواره‌وه‌ به‌ کوردستانپۆست گه‌یشتووه‌، که‌ تێیدا وێنه‌ی نامه‌یه‌کی فه‌رمی  ئه‌نجومه‌تی  نوێنه‌رانی عیراقی تێدایه‌ داوا له‌ پارێزگاری سلێمانی ده‌کات تا ئه‌و گه‌ڕه‌که‌ کۆنانه‌ی سلێمانی کاول نه‌که‌ن و تێکی نه‌ده‌ن، ئه‌مه‌ له‌ کاتێکدا حکومه‌ته‌که‌ی پارتیی و یه‌کێتیی که‌ ناوی حکومه‌تی هه‌رێمی کوردستانیان له‌ خۆیان ناوه‌، ئه‌گه‌ر نیشتیمانیی و نه‌ته‌وه‌یی بوونایه‌، ده‌بوو ئه‌وان ده‌بوو له‌ خه‌می پاراستنی که‌لتور و شوێنه‌ورار کوردییه‌کاندا بوونایه‌، که‌چی بیگانه‌ و داگیرکه‌رێکی کوردستان هاتووه‌ و له‌ خه‌میدایه‌، داوا ده‌کات ئه‌و ده‌سه‌ڵاته‌ کوردییه‌ ئه‌و کاره‌ نه‌کرێت، ئه‌مه‌ش ئه‌وه‌ ده‌سه‌لمێنێت که‌ ئه‌م ده‌سه‌ڵاته‌ له‌ دوژمن و له‌ داگیرکه‌ره‌کان خه‌ته‌رتر و ترسناکترن بۆ دواڕۆژی کورد و له‌ هه‌وڵی فه‌وتان و تێکدان و شێواندنی مێژووی نه‌ته‌وه‌که‌ی خۆیاندان. له‌ خواره‌وه‌ ده‌قی داوکاریی و که‌مپینه‌که‌ بخوێننه‌وه‌:
کوردستانپۆست

******************
لیژنەى ڕۆشنبیرى پەرلەمانى عێراق نوسراوێكى ڕەسمى ئاراستەى پارێزگارى سلێمانى كردوە كە بە هیچ جۆرێك رازى نابین گەڕەكە كۆنەكان وێران بكرێت چونكە كەلتورى شارە.
هاوپێچ : وێنەى نووسراوى لیژنەى ڕۆشنبیرى پەرلەمانى عێراق.

بەڕێزان كەناڵى ڕاگەیاندن (تەلەفزیۆن و ڕۆژنامە و سایت و ڕادیۆ) وەك ئەركێكى نەتەوەیى لە پێناو پاراستنى گەڕەكە كۆنەكانى شارى سلێمانى كە خۆتان ئاگادارن چۆن گەڕەكە كۆنەكانى سلێمانى وێران دەكرێت تكایە ئەم دەقەى سەرەوە وەك هەواڵێك بڵاو بكەنەوە .
 
سوپاس بۆ هاوكاریتان .
24-12-2012

https://www.kurdistanpost.com/biz/bellge/shuwenewar/kempin.jpg