با لیستی گۆڕان (گه‌نده‌ڵ پاڵێوێک) بۆ ئه‌ندامه‌کانی دابنێ
31/10/2009, 12:00 (GMT+1)
میلله‌تی کورد زۆر ده‌مێک بوو چاوه‌ڕێی گۆرانی ده‌کرد گۆڕانێک که بتوانێ وه‌ک به‌فر ماڵ وه‌ک خۆڵ ڕیژ وه‌ک دژه ڤایرۆسێک سه‌رجه‌م گه‌نده‌ڵه‌کان بماڵێت بۆیه به هاتنی ئه‌و بیرۆکه‌یه بۆ ناو سیاسه‌تی کوردی له‌لایه‌ن نه‌وشیروان مسته‌فاوه دلخۆشی و هیوا و زه‌رده‌خه‌نه‌یه‌کی خسته سه‌ر ڕووی سه‌رجه‌م ئه‌و که‌سانه‌ی که چاوه‌ڕێی بوون هه‌موان به دڵخۆشیه‌وه به هه‌مان گڕوتینی پێشمه‌رگایه‌تی به‌ره‌و سنوقی ده‌نگدان که‌وتنه ڕێ و ده‌نگیان دا به لیستی گۆڕان ده‌نگیان دا به چه‌ن که‌سانێک که ببن به نوێنه‌ریان له په‌رله‌مان ده‌نگیان دا به که‌سانێک که ئه‌گه‌ر زوڵمیان لێ کردن ئه‌وان بڵین نا .به‌ڵام ئه‌وه‌ی جێی سه‌رسامیه تا ڕاده‌یه‌ک خه‌ڵک به‌شێوه‌یه‌کی سارد ئه‌بینم له ئێستا بۆ گۆڕان من خۆم به بیستنی هه‌واڵێک که ئه‌ندام په‌رله‌مانێک به واسته به گونده‌یی بێ گوێدانه هه‌وڵی ئه‌و خوێندکارانه‌ی که ساڵانێکه خه‌ریکی خوێندنن بۆ ئه‌وه‌ی بگه‌ن به‌و شته‌ی خۆیان بۆ هیلاک کردوه تا ڕاده‌یه‌ک ساردبومه‌ته‌وه چونکه ئه‌م ئه‌ندام په‌رله‌مانه‌ی لیستی گۆڕان براکه‌ی خۆی پێش خوێندکاره یه‌که‌م و دووه‌م و سێیه‌مه‌کان خستوه بۆ ئه‌وه‌ی وه‌ک موعید له زانکۆ وه‌ربگیرێ ،باشه چۆن له‌مه‌و دوا له ڕوویان یه‌ت بلێن ده‌نگمان بۆ به‌ن که خۆشیان باش ئه‌زانن به‌شی زۆری ئه‌و ده‌نگانه‌ی به‌ده‌ستیان هێنا ده‌نگی گه‌نجان و خوێندکاری زانکۆکان بوو یان چۆن له ڕوویان یه‌ت له په‌رله‌مان له‌سه‌ر کێشه‌کانی گه‌نج قسه بکه‌ن له کاتێکدا ئه‌مه هه‌ڵویست و ئه‌خلاقیان بێت. بۆیه من وه‌ک لایه‌نگرێکی گۆران که خۆم ده‌نگم به گۆڕان یاوه داوا له لیستی گۆڕان ئه‌که‌م (گه‌نده‌ڵ پاڵێوێک) بۆ ئه‌ندامه‌کانی دابنێ وه له‌کاتی ده‌ست نیشان کردنی کاندیدا له‌و که‌سه باش تێبگه‌ن بزانن بۆچی هه‌وڵ ئه‌یات ئایا بۆ خزمه‌تی خه‌لکه یا بۆ ئه‌وه‌یه گیرفانی خۆیان پڕ بکه‌ن داوا له به‌رپرسانی گۆڕان ئه‌که‌م زوو فریای خۆیان بکه‌ون تا کار له کار نه‌ترازاوه نه‌بۆته هۆی توڕه بونی خه‌لک چونکه ئیوه هه‌ڵبژاردنێکی زۆر گه‌وره‌تان له پێشه که زۆر له‌م هه‌ڵبژاردنه‌ی که کردتان گرنگتره بۆیه نابێ به‌م ماوه که‌مه به‌و جۆره خۆتان و ده‌رخه‌ن و خه‌لک له خۆتان زیز بکه‌ن به‌لکو ده‌بێت ئه‌و په‌یامه‌ی که بانگه‌شه‌تان بۆ ئه‌کرد جێبه‌جێ ی بکه‌ن ئه‌گه‌ر وا نه‌بێ من وه‌ک گه‌نجێک که هه‌موو کاتێک له‌گه‌ل گۆڕان بوم ئاماده‌م ده‌نگم بخه‌مه پاڵ ئه‌و که‌سانه‌ی که ده‌ڵێن گۆران دۆڕاوه .دۆڕاو به‌و مانایه نا که ده‌نگی به ده‌ست نه هێناوه به‌ڵکو به‌و مانایه‌ی که نه‌یتوانی داواکاری خه‌لک و په‌یامه‌که‌ی جێبه‌جێ بکات. یادگار هه‌مه‌وه‌ندی سلێمانی
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
