وشەی "دووکەر"ی هەولێریی دروستە یان دووکەڵی سلێمانیی؟!

زۆر جار ئاگام لێبووە خەڵکانی سلێمانیی بە کەسانی هەولێرییان گووتووە ئێوە بۆچی بە دووکەڵ دەڵێن دووکەر؟ وتراوە ئەی ئەگەر دوو گوێدرێژ ببینن ناڵێن ئەو "دوو کەر"ە؟ کەواتە دووکەر هەڵەیە و دووکەڵ ڕاستە.

لێرەدا من دەمەوێت سەرنجی خۆم لەبارەی هەردوو وشەکەوە بڵێم . وشەی (pollution) یاخود (smoke)کە لە ناوچەی سلێمانیی و زۆر ناوچەی دی پێیدەوترێت دووکەڵ ، لە ناوچەی هەولێریش پێیدەوترێت دووکەر ، هەندێک کەس پێیانوایە کە دووکەر هەڵەیە، چونکە وەک ئاماژەم پێکرد خۆ گەر دوو گوێدرێژیش ببینن هەر دەوترێت دوو کەر.

باشە ئەگەر ئەمە هۆکار بێت بۆ هەڵەبوونی وشەی" دووکەر" ی هەولێریی کەواتە وشەی "دووکەڵ "ی سلێمانییش هەڵەیە! چۆن؟ دوو کەڵ ، کەڵ نێرەی ئاژەڵی کێوییە کەڵە کێویی.
ئەی باشە ئەگەر دوو کەڵە کێویی ببینین ئاماژەی پێبدەین بڵێین ئەو دوو کەڵە دەبینن؟ " دوو کەڵە "کێوییم ڕاوکرد بوو.

کەواتە بۆ دروستیی هەردوو وشەی دووکەر و دووکەڵ پێویستە لە بنچ و بناوانی وشەکە بکۆڵینەوە ئەوکات بڕیار لەسەر دروستیی یەکێکیان بدەین ، نەک لەسەر بنەمای شارچێتیی و بۆ گاڵتەکردن بەکاریی بهێنین.