چه‌ند هه‌واڵێکی که‌له ته‌زێن
15/12/2011, 12:00 (GMT+1)
1-مه‌سعودی سه‌رۆکی 1000بارزانیه‌که ده‌ڵێت له مانگی3ی ساڵی2012 ه‌دا ده‌وڵه‌تی سه‌به‌خۆ ڕاده‌گه‌یه‌نین
http://www.radionawxo.org
مه‌سعودم وه‌ک مه‌له‌وانه درۆزنه‌که دێته به‌رچاو هه‌ڵبه‌ته هه‌مومان بیرمانه که له‌ڕێی ڕێکخستنه‌کانیانه‌وه له‌ساڵی2011ه‌شدا هه‌مان سوعبه‌تی له‌گه‌ڵکردین به‌ڵام دوای بابه‌ته‌که هه‌رناوی نه‌ماو له کوله‌که‌ی ته‌ڕیشدا باسنه‌کرایه‌وه
به‌دڵنیایه‌وه ده‌وڵه‌تی سه‌ربه‌خۆی کوردی ئاواتی هه‌مومانه به‌ڵام من یه‌ک پرسیار ده‌که‌م ئایا ئه‌مده‌وڵه‌ته به‌کاره‌باوه یان بێ کاره‌با؟به که‌رکوکه‌وه یان بێ که‌رکوک؟ دیاره ده‌وڵه‌ت پێویستی به بونی ئابوری هه‌یه ئه‌گه‌ر مه‌سعود به ئه‌و چه‌ند بیره نه‌وته تێکه‌وتوه ئه‌وه وه‌زیری نه‌وتی عێراقی ده‌ڵێت هه‌مو نه‌وته‌که‌ی هه‌رێمی کوردستان ناکات یه‌ک بیری ڕومێله ئه‌و نه‌وته به‌که‌ڵکی ئه‌و دوو بنه‌ماڵه‌یه دێت بیدزن چونکه ئه‌وان به پاته‌ی لاستیک و له پیازچاندنی که‌ره‌جه‌وه هاتبون به‌ڵام ناکرێته سه‌رچاوه‌ی ئابوری ده‌وڵه‌تێک پاشان له‌ڕوی نه‌ته‌وایه‌تیه‌وه ئه‌گه‌ر منیش ده‌وڵه‌تی سه‌ربه‌خۆ ڕاگه‌یه‌نم زه‌ره‌ره چونکه به‌شێکی زۆر له‌ناوچه کوردیه‌کان پێشکه‌ش ده‌کرێت به ده‌وڵه‌تی عێراقی وه‌ک که‌رکوک و ناوجه‌که‌کانیکه که‌نه‌یانتوانیوه له ساڵی2003وه هیچی بۆ بکه‌ن......
ده‌وڵه‌ت بێجگه له ئابوری پشتگیری و دانپیانانی نه‌ته‌وه یه‌کگرتوه‌کانی ده‌وێت که ئه‌مه‌یان زۆر قورسه هه‌روه‌ها خه‌ڵکی له‌خۆبورده‌ی ده‌وێت نه‌ک کابرایه‌ک که تادوێنێش ده‌یگوت فیدراڵیم ناوێت باوکم وتویه‌تی حوکمی زاتی له‌به‌ر ئه‌وه به سه‌رۆکی بنه‌ماڵه ده‌ڵێم ئه‌مه کۆنه‌و بگه‌ڕێ بۆ شتی تازه
2-فازیل موتنی به‌هۆی ره‌شی بۆیاخه‌که‌ی سه‌ریه‌وه زۆر ڕه‌شبینه‌وه دنیا به شه‌و ده‌بینێت تا وای لێهاتوه ده‌ڵێت
سه‌رۆک و پارتی له به‌هاری عه‌ره‌بی ناترسن ته‌نها سه‌رۆک 20000پێشمه‌رگه‌ی هه‌یه!
ئه‌مه نوکته‌که‌یه به‌ڕای من ئه‌م پارتیانه قسه نه‌که‌ن باشتره چونکه به‌ڕاستی که قسه ئه‌که‌ن ئه‌وه‌نه نه‌زانن خۆیان ئه‌که‌ن به قه‌شمه‌رجاڕی خه‌ڵک
کاکی مه‌کته‌بسیاسی دیاره قه‌زافی هیچ سه‌ربازی نه‌بوه بۆیه ڕوخا یان سه‌دام ته‌نها جه‌یش الشعبی هه‌بوه...ئه‌گه‌ر ئه‌م هاوکێشه‌یه‌ی تۆ ڕاست بوایه ده‌بو ئێستاش ناپلیۆن امبراتۆر بوایه و هێتله‌ر خه‌ریکی داگیرکردنی جیهان بوایه جونکه ئه‌وان سه‌ربازیان زیاتر بوه له سه‌رۆکه قه‌زه‌مه‌که‌ی تۆ.
3-له سفره سه‌فه‌ریه‌که‌ی پارتیا نوسراوه که 12000منداڵ کارده‌کات به‌ڵام باجی ئاسۆس ی وه‌زیری شه‌تره‌نج له کۆرا داده‌نیشێت بۆ باشترکردنی باری گوزه‌رانی منداڵان ده‌ڵێم ئه‌م وه‌زاره‌تی کاره ده‌مێکه به کاری ماوه‌ته‌وه گه‌وره نه‌بوه ببێت به گیسک؟
باجی ئاسۆس باشه بیرت له‌وه نه‌کردوه‌ته‌وه لای حوکمه‌ته هه‌زه‌لیه‌که‌ی تۆ پاره‌ی یه‌ک مانگی منداڵێک بۆ فه‌رمانبه‌ر که خه‌رج ده‌کرێت ته‌نها 10000دیناره که ئه‌مه ناکات پاره‌ی ته‌نها یه‌ک پاکه‌تی جگه‌ره که کوڕه به‌رپرسه‌کانی حیزبه‌که‌ی تۆ و هاوپه‌یمانه‌که‌ت رۆژانه ده‌یخۆن چونکه ئه‌وان جگه‌ره‌ی ئاسای ناخۆن
باشه تۆ بیرتنه‌کردوه‌ته‌وه که دوای دوساڵ له وه‌زیری مسته‌فای په‌سمه‌کفرۆشت بۆ هیج لێنه‌کراوه به‌و بودجه زه‌به‌لاحه‌وه ئه‌ی به‌ته‌مای که‌ی ڕه‌وشی ژیانیان چاک بکه‌یت؟
4-یه‌کێتی له چه‌ند که‌ناڵێکی نافه‌رمیه‌وه که‌وتۆته کۆکردنه‌وه‌ی لایک بۆ په‌یجه‌کانیان له فه‌یس بوک و باسله‌وه ده‌که‌ن گوایه ئه‌وان دیموکراسی خوازن و وه‌ک پارتی نین
باشه خۆ فه‌لاقه‌خانه‌کانی دوێنێ و فڕاندنی چالاکوانه‌کانی سه‌رای ئازادی و لێدانی رۆژنامه‌نوسانیش هه‌ر باسی مه‌که خه‌ڵک ئێستا وه‌ک جاران نه‌ماوه دانیشێت به‌دیار ڕادیۆ شه‌ق و شڕه‌کانتانه‌وه و ئه‌زانن که ئێوه له‌م بۆڵه بۆڵه مه‌به‌ستان جیه ئه‌وه با من لێره‌وه پێت بڵێم جه‌لالیه‌کان له پێشترا دۆڕاوی یه‌که‌م بون و بچوک و خنجیله بونه‌وه ئێستا له سه‌روبه‌ری هه‌ڵبژاردنی ساره‌وانیه‌کان ده‌یه‌وێت خۆی هه‌ستێنێته‌وه به‌ڵام له ڕێی که‌ناڵی نافه‌رمی ئه‌مه‌ش فه‌یس بوک باشترین شوێنه هه‌روه‌ک چۆن لاوه‌ند نه‌وزاد وتی قبوڵی ناکه‌ین پارتی ده‌مدرێژی بکات به‌ڵام که پارتی وتیان ده‌بێت لابرێت یان داوای لێبوردن بکات وتی زۆرکه‌س فه‌یسبوکی به‌ناوی منه‌وه دروست کردوه و ئه‌وه‌ی خۆی ڕاگرت که تیایدا قسه‌که‌ی به پارتی وتبو بۆ زانیاریشتان هی خۆی بو
په‌یجێکیش هه‌یه به ناوی ئه‌وان جه‌لالین و خوێنیان سه‌وزه که مانگانه ئادمینه‌کانی بری 600$وه‌رده‌گرن به‌رامبه‌ر به‌ڕێوه‌بردنی ئه‌و په‌یجه داماوه که یه‌کێ له‌کاره‌کانی چه‌واشه‌یه و ئه‌ویتریان چاودێریکردنی په‌یجی ئه‌نجومه‌نی بزوتنه‌وه‌ی گۆڕان له‌فه‌یس بوک و په‌یجه‌که‌ی کوردستانپۆست من دڵنیام ڕۆژانه پێش ئه‌وه‌ی خۆیان ئه‌و دوو په‌یجه ده‌که‌نه‌وه له‌م که‌ناڵه‌یانه‌وه که‌وتونه‌ته وڕێنه‌و بۆڵه بۆڵ و ده‌یکه‌ن به منه‌ت به‌سه‌رمانا گوایه پشتگیری پارتی ناکه‌ن له سوتاندنی مقه‌ڕه‌کانی یه‌کگرتو وه به‌ته‌نیا داده‌به‌زن بۆ هه‌ڵبژاردن
خۆ ئه‌گه‌ر پارتی توڕه‌بو ئه‌ڵێن ئێمه ئه‌م په‌یجه ناناسین و به فه‌رمی سه‌ر به ده‌زگاکانی ڕاگه‌یاندنی جه‌لالیه‌کان نین.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
