وانەیەك لە ئەلبانیەکی مەسیحی بۆ ئێزدیەکان!
محەمەد هەریریوانەیەك لە ئەلبانیەکی مەسیحی بۆ ئێزدیەکان!لەگەڵ ئەلبانیەک دانیشتبووم لە کار، دیتم زۆر ئاگاداری سیاسەت ومێژووە، بە وردی ئاگای لە دۆزی کورد بوو. منیش بە هەلم زانی چەند پرسیارێکم لێکرد، ئایا ڕاست دەڵێن ئەلبانی کوردن و لەگەڵ سوپای عوسمانیدا هاتوون بۆ ئەلبانیا؟! بە پێکەنینەوە گووتی نەخێر وانییە، ئێمە بەر لە هاتنی عوسمانییەکانەوە بە هەزاران ساڵ لەوێ بووین، کە عوسمانی هاتن نزیکەی سەدا حەفتامان ٧٠٪ بە خۆشی و بە شەق بووینە موسڵمان، ئەوانیتر ٣٠٪ مەسیحی ماینەوە.
لە کابرای ئەلبانیم پرسی، دەتوانم بزانم تۆ مەسیحی یان موسڵمان؟ گووتی ئێمە مەسیحی ماینەوە.
گووتم بەڵام ئەلبانییەکانی بوونە موسڵمان، وابزانم بە زەبری شەقی عوسمانی بوونە موسڵمان؟! گووتی ڕەنگە ڕێژەیەکی زۆر، بەڵام هەندێکیان بەبێ فشار بوونەتە موسڵمان!
سەیرم پێهات بەو زارە بابەتیە دەربارەی موسڵمانانی میللەتەکەی دەدوێ، بۆیە ویستم بزانم هەڵوێستێکی قووڵی نیشتیمانییە یان تەنها ڕایەکە، بۆیە لێیم پرسی: باشە ئەوانەی بوونە موسڵمان لە ئەلبانییەکان شەڕی مەسیحییە ئەلبانیەکانیان نەدەکرد شآن بە شانی عوسمانییەکان؟!
گووتی: بەڵێ زۆرجار ڕوویداوە، بەڵام ئێمە براین مەسیحی و موسڵمانی ئەلبانی، هەردووکمان براین ئەو شتانەی لە مێژوو ڕوویداوە هەل ومەرجی تایبەتی خۆیان هەبووە، ئێمە ناچین موحاسەبەی موسڵمانی ئەلبانی ئەمڕۆ بکەین لەسەر هەڵەکانی باب و باپیریان! ئێمە یەك ئامانجمان هەیە ئەویش یەکێتی ئەلبانییەکانە لە نێوان ئەلبانیا و کۆسۆڤۆ، ئەو بەشە داگیرکراوانەی نیشتیمانمان لە مەکەدۆنیا و یۆنان. ئینجا ئێمە چۆن بە دەستی سوپای ئیسلامی عوسمانی کوشتارمان لێکراوە، بە هەمان شێوە بە دەستی سیڕبە مەسیحییەکانی هاودینمان کوشتارمان لێکراوە!
گووتم سیڕبە مەسیحیەکان کوشتاریان لە ئەلبانی موسڵمان و مەسیحی کردووە؟! گووتی بەڵێ، ئێمە هەموو ئەلبانین بۆ ئەوان فەرق ناکات!
سەیر لەوەدایە ئەگەر ئەو ئەلبانیە مەسیحیە لەگەڵ موسڵمانێکی ئەلبانی با دەمگووت: لە ترسی موسڵمانەکە وادەڵێت، بەڵام بە تەنیا بوو، کەچی بەوپەڕی ڕێزەوە باسی نەتەوەکەی دەکرد، و جیاوازی دین مێشکی ژەهراوی نەکردبوو وەك کوردانی ئێمە.
ئێزیدییەکان ئێمەیان تووشی نەخۆشی دەروونی کردووە هێندەی باسی ٧٠ فەرمانی جینۆسایدیان بکەن، کە نازانم تا چەند ڕاستە، ئەخر کەمینەیەکی وا بەرگەی ٧ فەرمانی ئیبادەش ناکەن نەك ٧٠! ئینجا وا باسی دەکەن وەك بڵێی بە دەست وبڕیاری ئێمەی کورد کرا بێت، نازانێت خودی کوردی موسڵمانیش سەدەها فەرمانی جینۆسایدی لەسەر کراوە، کە موسڵمانیش بووە.
ئینجا سایتەکانیان زۆر گەمژانە باسی کورد بە گشتی دەکەن، گوایە خیانەتیان کردووە کە بوونەتە موسڵمان، وازیان لە دینی ئێزدی هێناوە! ئەوەش چەواشەکاریەکە چونکە کورد چارەگیشی ئێزدی نەبوون نەك هەمووی!
ئێزدییەکان لەبەر بەژداری کورد لە هەندێ هێرش بۆ سەریان، تەبەڕا لە کوردبوونی خۆیان دەکەن، هەرچەندە خۆشیان لە مێژوودا چەندین جار بەژداربوون لە هێرش کردنە سەر کوردی موسڵمان بە فیتی داگیرکەران.
ئێمەی کورد لە ڕووی هوشیاری نەتەوەییەوە، وادیارە بەراورد ناکرێین هەتا لەگەڵ میللەتە ئاساییەکانی وەك ئەلبانیش نەك بە میللەتە زلهێزەکان، بۆیەش وەزعمان وا شڕە، ڕۆژانە خەڵکانێکی کورد ئیدیعای ناکوردبوونی خۆیان دەکەن بە بیانووی زۆر سەخیف و لاواز، کە ئەگەر ئەو بیانووانە پەیڕەو بکرابایە لەناو هەر نەتەوەیەکیتر، ئێستا هیچ نەتەوەیەکی گەورە وبەهێزمان نەدەبوو لە جیهاندا!
بابەتی دیکە
