کوردایەتی دوشمنی نیشتمانپەروەری
09/08/2022, 9:46 (GMT+1)
(وشەی کوردایەتی هاوشێوەی تورکایەتی، عەرەبایەتی، فارسایەتی چەمکێکی ڕەگەزپەرستانەیە)
کارنامەی دەسەڵاتی باشوری کوردستان نیشان دەدات کە کوردایەتی دژی نیشتمان‌پەروەریە.
لێرە بەشێک لەم کارنامەیە دەخەینە ڕوو:
١- هاوکاری لەشکری داگیرکەران دژی ئازادیخوازانی چوار پارچەی کوردستان
٢- دزی و تاڵانی سامانی سەرزەوی و ژێر زەوی هەرێمی کوردستان.
٣- دروست بوونی هەزاران ملیۆنێری دۆلار و دەیان ملیاردێری دۆلار.
٤- جاشایەتی بۆ هەردوو دەوڵەتی تورکیا و ئێران و پشت کردن لەعێراقی خاوەن دەستوورێک کە مافەکانی کوردی تێدا جێگیر کراوە.
٥- ڕێفڕاندۆمی سەربەخۆیی(سەربە تورکیە) بەهاندانی فاشستێکی وەک ئەردۆگان.
٦- هەژار و برسی و نەخۆش کردنی کۆمەڵگای کوردستان و دزینی موچەی فەرمانبەران
٧- سیخوڕی بۆ دەزگا بەدناوە جاسوسیەکانی دەوروبەر و دەوڵەتانی جیهان.
٨- تیرۆر و کوشتنی کوردی پارچەکانی تر بۆڕازی کردنی دڵی تورکیا و ئێران.
٩- ئاسایی کردنی دزی و درۆزنی و دەسەڵاتخوازی بێ ئەخلاقی سیاسی.
١٠- گزی و فزی و دزینی صندوقی دەنگ دان و پڕکردنی بەئارەزوی مافیاکانی سەر بە داگیرکەران.
١١- دروست کردنی پەرلەمانێک کە یەکەمین بڕیاری شەڕی هاوبەش لە گەڵ ئەرتەشی تورک لە دژی گەریلای قەندیل بو.
١٢- داڕوخانی ئابوری گوند و شارەکانی کوردستان و هەژار کردنی جوتیاری ڕەنجدەر.
١٣- نەبوونی کارەبا، ئاو، ڕێگا و بان، غاز و خزمەتگوزاری.
١٤- پەرە پێدانی کۆنەپەرەستی،ڕەگەزپەرستی و ژن کوشتن.
١٥- بێ فکر و بێ هیواکردن و ترسنۆک کردنی کۆمەڵگە لە ڕێگای کۆیلە کردن و هیلاک کردنی مێشک و دەرونی مرۆڤی کورد بە دابەستە و قەڵەو کردنی ئیسلامی سەلەفی، ئیخوانی و جیهادی.
ئەم کوردایەتیە دژی نیشتمان، کورد، کوردستان و گشت بەهاکانی مرۆڤایەتیە.
باشترین نیشتمانپەروری تف کردنە لەم کوردایەتیە.
نیشتمان پێویستی بەکوردی ئازادی خاوەن فیکری سیاسی، ئەخلاقی، فەلسەفی و دیموکراتی هەیە.
نیشتمان پێویستی بەخێزانی ئازاد و دیموکرات، کۆمەڵگەی ئازاد و دیموکرات، نەتەوەی ئازادو دیموکراتیک هەیە.
نیشتمان پێویستی بە بیر و باوەڕی پێکەوەژیانی ئاشتیانە و دیموکراتیانەی گەلانە.
نیشتمان پێویستی بە فەلسەفەی بەرابەری ڕەگەزی و نەتەوەیی هەیە.
نیشتمان پێویستی بە چەمکی یەکتر قبوڵ کردن و ڕەخنە و ڕەخنە لەخۆ گرتن و لێبوردەیی و تەحەمولی باوەڕی جیاواز هەیە.
نیشتمان پێویستی بە ڕاماڵینی چەتە و گورگی خۆماڵی و دابین کردنی مافی شارومەندی، پێکەوە ژیان، دادپەروەری کۆمەڵاتی، گەشەی ئابوری، ئاوەدان کردنەوەی شار و دێهاتەکان، پەروردەی ئازاد و سەردەمیانە هەهە.
تێبینی:
کوردستانپۆست بەرپرسیارێتی ناوەڕۆک و بۆچوونی نووسەر ناخاتە سەر شانی خۆی، بەتایبەتی لەو بڕگەیەنادا کە نووسەر دەڵێت: (وشەی کوردایەتی هاوشێوەی تورکایەتی، عەرەبایەتی، فارسایەتی، چەمکێکی ڕەگەزپەرستانەیە). لەو بارەیەوە لە داهاتوویەکی نزیکدا لە لایەن کاک کەمال جەمال موختار، لەسەر لێکدانەوەی وشەی کوردایەتیی وتارێک دەنووسێت.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت:
گشتی
بابەتی دیکە
بابەتە پڕبینراوەکان
