ئایا کوردستان کومپانی یە؟
29/08/2026, 1:34 (GMT+1)
کومیسیونا پەیوەندی و ڕاگەیاندنا عێراقێ ل مەها حوزەیرانێ پێکهاتن لگەل کورەك تێلێکوم هەلوەشاند ژبەر ئەگەرێ نە پابەندبوونا مەرجێن پێکهاتنێ
خودانێ کومپانیا کورەک تێلێکوم رەخنە ل ڤێ بریارێ دا و گوت: ئەڤ بڕیارە دەرڤەی یاسایی یە و بێ بنەمایە و پارچەیەك ژ شەرێ ئابوری و سیاسی و پاراستنا دژی هەرێما کوردستانێ یە.
مازن سیروان بارزانی کێشا کورەکێ یەکسان کر ب کێشا کوردان و گوت: بریارا راگرتنا کورەکێ بڕیارەکە نە بەس دژی کورەکێ، بەلکی بڕیارەکە دژی هەمی کوردان، هەتا ئاریشا کوردان چارەسەر نەبیت ئاریشا کورەکێ چارەسەر نابیت.
ئایا بوچی ئاریشەیێن کومپانیەکێ سەر بنەمالا بارزان ڤە دبیتە شەرێ دژی هەرێما کوردستانێ؟
دڤیا پێشیێ دیاربکەین پێشکێشکرنا بابەتێ کورەکێ راستەوخۆ وەکی بەشەك ژ دوزا کوردستانێ بێ رێزی یە بەرامبەر مێژوویا خەباتا گەلێ کوردستانێ، کورەك نە کوردستانە، هەرێما کوردستانێ مافێن سیاسی و ئابوری و یاسایی هەنە، گەلێ کورد داخوازیێن مێژووی و سیاسی هەنە، بەلێ کورەك تێلێکوم نە کومپانیەکە نینەراتیا گەلێ کوردستانێ دکەت.
ل هەر دەمەکێ دژی بەرژەوەندیێن حزبایەتی یان بنەمالەیی بریارەك بێتە دان ئارگومانا بنەمالا بارزان نەهاتە گورین: ئەڤ بڕیارە دژی کوردانە.
ل سالا ٢٠١٤ بریارا بودچەی دەمێ هاتیە دان بەرسڤا مسعود بارزانی : سیاسەتا بەغدا یا ئابوری بەرامبەر هەرێما کوردستانێ شەرێ ئابوری یە.
ل سالا ٢٠١٨ێ دووبارە ئاریشەیا بودچەی دا نێچیرڤان بارزانی پەیڤا: ئەڤ بڕیارە دژی هەرێما کوردستانێ یە بکارئینا، مسرور بارزانی بەرامبەر رەخنەیان بو حکومەتا هەرێمێ باس ل سەر مەترسیا هەرێمێ دکەت.
د زانستێ دەرووناسی دا کەسانەك ئاریشەیێن خو وەکو ئاریشەیا گشتی دەتە ناسین جورەکێ بەرەڤانی یە، مروڤایەتی شکەستنێن کەسایەتی، ئاریشەئێن ئابوری و نەخوشیێن روژانە جهێ قەبول بکەت تاوانباری ل هێزەکا دەرڤە دبینیت.
نە ئێکەم جارە سیروان بارزانی بەرژەوەندیا کەسایەتی و بەرژەوەندیا گەلێ کورد بینیتە ئێك رێز، بەلکی ل سالێن پێش دا زور جاران ئەڤ پەیڤە بکارئینایە، ئەڤ پەیڤانە راستیا ئەنجامێ رێڤەبرنا هەرێمێ وەکو کومپانی دەتە پێش چاڤ.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
