ئێران لە گێژاوی پێشهاتەکانی داهاتوودا

چاوخشاندنێک بە دوو نەخشەڕێگا یان ستراتیژی سەبارەت بە ئێران
نزیک بە ٤٨ ساڵ بەسەر رێژیمی دیکتاتۆریی مەزهەبی ئێراندا تێدەپەڕێت. بەڵام ئەم رێژیمە هێشتا لە دەسەڵاتدایە. خەڵکە چەندین جار دژی ئەم رێژیمە راپەڕیون و هێزە ئۆپۆزسیۆنەکانی ئەم رێژیمەش زۆر جار هێرشی سەربازییان ئەنجامداوە، کە “سوپای ئازادیبەخشی نیشتمانیی ئێران” و رێکخراوی ناوەندیی ئۆپۆزیسیۆنی ئێران لە گرنگترین دەزگاکانی ئۆپۆزیسیونی ئێرانن. بەڵام هەرچەندە ئەم رێژیمە لە لاوازترین خاڵی خۆیدایە، بەڵام هێشتا لە دەسەڵاتدایە. پرسیاری سەرەکی ئەوەیە بۆچی؟
هێزی براوە
ئەوەی لە پێشهاتە سیاسییەکانی تایبەت بە ئێراندا لە ئاڕادایە، “خەڵکی ئێران”ە، کە هۆکاری سەرەکییە بۆ کۆتاییهێنان بەم دەسەڵاتە. ئەزموون سەلماندویەتی کە نەخشەڕێگای "سازان لەگەڵ دیکتاتۆرییەت" و نەخشەڕێگای "شەڕی دەرەکی لە دژی" ئەم رێژیمە، چارەسەری پرسی "ئێران" ناکات. خەڵکی ئێران لەم شەڕە چارەنووسسازەدا نایەوێت دەستێوەردانی سەربازیی دەرەکی هەبێت. خەڵکی ئێران پشت بە هێزی خۆی و رۆڵە و لایەنە جەماوەرییەکانی خۆی دەبەستێت. گەل توانای رووخاندنی هەمەجۆرە دیکتاتۆریەتێکیان هەیە. ئەگەر پشتیوانیکردنی سیاسیی دەوڵەتان لە رژێمە دیکتاتۆرییەکان نەبوایە، دیکتاتۆرییەت لە ئێراندا زۆر زووتر لەوەی ئێستا لەم خاکەدا کۆتایی پێدەهات!
پێوەرەکانی شەرعیەت
دواجار، دەرەنجامی هەرکام لەم دوو نەخشەڕێگایە، واتا رووبەڕووبوونەوەی دیکتاتۆرییەت یان شەڕی دەرەکی لەدژی دیکتاتۆرییەت، بەرژەوەندییەکانی خەڵکی ئێران پێوانەی دەکات و بەو پێوەرە هەڵدەسەنگێندرێت. ئەگەر ئەم دوو نەخشەڕێگایە لەگەڵ خواستی رەوای خەڵکی ئێران نەگونجێت، بە قازانجی مانەوەی دیکتاتۆرییەت تەواو دەبێت. ئەزموونەکان دەریانخستووە کە تەمەنی ٤٨ ساڵەی دیکتاتۆرییەتی ئایینی، بەرهەمی ئەم دوو نەخشەڕێگایەیە و پرسەکەی ئاڵۆزتر کردووە.
سەربەخۆیی
رێژیمی دیکتاتۆریی ئێران زۆر باش ئەمە دەزانێت و مانەوەی خۆی بەوە دەزانێت کە رۆژئاوا بەرامبەر بە تەواوی تاوانەکانی ئەم رێژیمە چاوی داخستووە. ئەمە وەک رۆژ بۆ ئەم رێژیمە روونە و هیچ گومانی تێدا نییە. بەڵام رۆژئاوا هەرچەندە دەزانێت و دەیبینێت، بەڵام بەردەوامە لە پەیڕەوکردنی یەکێک لە دوو نەخشەڕێگایە بۆ گەیشتن بە دیکتاتۆریەتێک کە لە ژێر هەژمۆنیی خۆیدا بێت. ئایا شتێکی وا مومکینە؟ ئایا شەرعییە؟ ئایا خەڵک و بەرخۆدانەکەی، مەلکەچی ئە قسەیە دەبن؟ راستییەکان پێچەوانەکەی نیشان دەدات و “هەرگیز!” وەڵامەکەیەتی.
لە سەردەمی سازان لەگەڵ دیکتاتۆرییەت. سیماکان یەک لە دوای یەک دەهاتن و دەچوون. لە سەردەمی شەڕی دەرەکیشدا زۆرێک لەو کاربەدەستانەی رێژیمی ئێڕان لە ناو چوون. بەڵام ئایا رووخاندنی دیکتاتۆرییەتی ئایینی رووی دا؟ نەخێر! چونکە کلیلەکە بەدەست خەڵک و موقاومەتی خەڵکی ئێرانەوەیە!
لە ئێستادا ئابووریی ئێران لەناو چووە و زیاتر لە (120) هەزار کەس لە خەڵکی ئێران لەسەر دەستی رێژیمی ئێران کوژراون و چەند هێندەش لە خەڵکی ئێران ئاوارەی وڵاتان بوون و زۆرینەی خەڵکی ئێرانیش لە ئازادی و دیموکراسی بێبەش کراون. چونکە ئەهریمەنە مەزهەبییەکەی دەسەڵاتدار، ئابووری و بژێوی خەڵکی نەک تەنیا ئێران، بەڵکو ناوچەکە و جیهانیشی وێران کردووە.
ئامادەیی هێزی رێکخراوی گەل
موقاومەتی خەڵکی ئێران لە لوتکەی ئامادەیی خۆیدایە بۆ لە ناوبردنی رێژیمی دیکتاتۆری ئایینی لە ئێران. رێژیمێک کە بە رواڵەت "بەهێز"ە، بەڵام لە راستیدا بە هێزی بەرخۆدانی راستەقینەی گەلی ئێرانەوە دەورە دراوە و بۆ مانەوە لە دەسەڵاتدا هەرچییەک بتوانێت دەیکات! بەڵام ئایا دەکرێت؟ ئایا خەڵک و موقامەتی ئێران رێگە بەمکارە دەدەن؟ ئایا روودەدات! نەخێر.
هێزی بەرخۆدانی خەڵکی ئێران، کە ئێستا لە سەرانسەری ئێراندا لە ژێر ناوی "ناوەندەکانی شۆڕش" ئامادە کراون، کاکڵ و ناوکیی سەرەکیی (ئەڕتەشی ئازادیبەخشی نیشتمانیی ئێران)ن. ئەوان لە ریزی پێشەوە یان شانبەشانی خەڵکی ئێران لە بۆسەدان بۆ بەدەستهێنانی "دەرفەت"ێک. ئەوان بەدوای دەرفەتێکدا دەگەڕێن تا ئێران لە دیکتاتۆرییەت و لایەنگرانی دەیکتاتۆرییەت وەربگرنەوە. ئەوان رێکخراون و ئاڵای تاکە (بەدیلی دیموکراتیک)یان بەدەستەوەیە. ئەوان دارێکی ئاو دراون کە بەم زووانە بەر دەگرێت و میوەکەی هەمووان دەیبینن. ئەم هێزانە، لە هەوڵی ئەوەدان کە ئێران بگەڕێننەوە ناو کۆمەڵگەی نێودەوڵەتی و وڵاتەکەیان لە دیکتاتۆرییەت رزگار بکەن.
هێزی بەهێزتر
مێژوو دەریخستووە کە ئیرادەی گەلی ئەو کۆمەڵگایەی خوازیاری گۆڕانکارییە، "هێزێکی باڵاتر"ە و بەهێزترە و هەر بەربەستێک تێدەپەڕێنێت. ئەم هێزە هەڵگری دیاریکردنی چارەنووسی خۆی و رزگارکردنی وڵات لە دیکتاتۆرییەتی لە هەناودایە. چونکە ئێران سەروەت و سامانی خەڵکی ئێرانە و دیکتاتۆرییەت و هێزەکانی دیکتاتۆرییەت نامێنن و لە ناو دەچن و دەتوێنەوە.
***











