پڕۆژەی چەکوش

میللەتێکی زوڵملێکراو، نیشتمانێکی لاقەکراو، دەسەڵاتێکی نەخۆش و نابەجێ کە تەنها مایەی پوچ بوونە، گەلە گورگێکی شاخاوی یاری بەچارەنوسی خەڵکی کوردستان دەکەن، دەسەڵاتێك هەرچی لەتوانای دا بێت بۆ سەرکوتکردن و دزین و کوشتن و درۆکردن و هەڵخەڵەتاند و خۆ دەوڵەمەندکردن دەیکات و دەیبات. ئەمانە ووشەی سەر زمان و خەمی پنگخواردوی گیان و لەشمانن، شەوچەرەی دانیشتنمان و بابەتی کۆڕ و سەفەر و نزای نوێژ و مزگەوت و کاتی خەوتن و بەیانی و ڕۆژ تا ئێوارەمانن.

ئەم میللەتە زوڵملێکراوە، بە نوسەران و هونەرمەندان و چالاکوان و سیاستەوان، فەرمانبەران و کرێکاران و کەسوکاری شەهیدان و ئەنفالکراوان، هەموو ئەوانەی چەندین شێوازی جۆراوجۆریان تاقیکردوە لەگەل ئەم دەسەڵاتە زاڵمە کورد کوژەی یەکێتی و پارتی و هەموو پارتە سیاسیە ژەنگخواردووە خۆ فرۆشەکانی دەسەڵات و ئۆپۆزسێۆنە درۆزنەکانی کوردستان. بەڵام بەداخەوە نەتوانراوە ببنە هێزێك کۆتایی بەم زوڵمە بێنن کە لەم میللەتە دەکرێت.

تاقیکردنەوەکانی ڕابردومان و کردارەکانی ئەم ڕۆمان ناتوانن ئەم دەسەڵاتە بەربەرییەی هەرێمی کوردستان بێ دەسەڵات بکەن.

بەردەوامبوون بەم شێوە کات بەسەربردنێکی سەرخۆشانەیە، کۆمایە، خۆکوشتنە لە تاریکیدا، حەرامکردنی حەڵاڵە، لادانە لە دین و نەهێشتنی بەهای مرۆڤایەتیمانە بەرامبەر دەسەڵاتێکی بێباکی بێ ڕەوشت. ئێستا کاتی پڕۆژەیەکی نوێ یە ، پرۆژەی کۆکردنەوەی تواناکان و خۆبەهیزکردن و خۆڕێکخستنە. پرۆژەیەکی ڕادیکاڵی هۆشیار کە توانا مادیی و چەکداری و زانستی و ئەدەبییەکانی ئەوەندە بەهێزبێت کە توانای وەشەناندی زەبری کوشندەی هەبێت بەرامبەر بەم دەسەڵاتە نالەبارە، پرۆژەیەك وەك چەکوشەکەی کاوەی ئاسنگەر بۆ پانکردنەوەی سەری زوحاکەکانی ئەم دەسەڵاتە خوێنمژە.