ناوساجى یەكەى دایكم و دەمانچەكەى تاڵەبانى....

ئێستاشى لەسەر بێت جار ناجارە سپێدەیەكى زوو بە دەنگى دایكم بەخەبەر دەهاتم كە بە دەم دوعا و نزاوە خەریكى هەویر شێلان بو . من خێرا تێدەگەشیتم كە ئەو شەوە دایكم خەوى بە نەنكمەوە بینیوە و داواى ناوساجى لێكردوە. یان بەكەم و زۆر ئەو خەوە باسێكى ناوساجى تیادا بوە .ئیتر لەبەیانى ئەو شەوەدا و تا ئێوارە ئەبوایە دایكم تاوەى ڕۆن و فرەِى پەرەمێزى بخستایەتا كار بۆ دروست كردنى ناوساجى و دواتریش بەخشینەوەى بە دراوسى و ڕێبوارارنى گەڕك . بۆ ئەوەى خێرەكە زیاتر بە دایكى بگات هەندێك ماڵى دیارى كراویش هەبو كە دایكم بە شایەنى ئەوەى دەزانى بەتایبەتى ناوساجیان بۆ بنێرێت .
ناویان لەیەك دور بێت دەمانچە بەخشینەوەكەى تاڵەبانى ناوساجى بەخشینەوەكەى دایكمى بیر هێنامەوە .
تۆ بڵێى ئەو پیاوە خەوى بە باوكە روحیەكەیەوە (برایم ئەحمەد) نەبینیبێ و لە خەویا داواى دەمانجەى لێنەكردبى؟؟! ئەى تۆ بڵێى هەر ئەو ئەو كەسانەى بۆ دەست نیشان كردبێت كە دەمانچەیان بەسەردا ببەخشێتەوە یان خۆى سەرپشك كردووە ؟
بەڵام من هەر لە دایكم بیستوە ئەڵێن دەمانچە لە خەودا خەبەرە . من ئەمانە نازانم .بەڵام ئەوە دەزانم نەك چەند دەماچەیەك ئەگەر تاڵەبانى جبە خانەیەك بەسەر ئەحبابەكانیا ببەخشێتەوە خێرى ناوساجیەكى بۆ میللەت تێدا نیە ...