به‌رهه‌م ساڵح رزگاری بوو

* شتێک سه‌ری لێ ده‌رنه‌که‌یت، سه‌رتی لێ ده‌رئه‌کات
* کورد ده‌ڵێت هه‌زار سووژن گاسنێکی تیا نابێت. سێ یاریکه‌ر کۆ بکه‌یته‌وه‌ رۆناڵدۆیه‌ک دروست ناکه‌ن. سێ باده‌م نابن به‌ گوێزێک. سێ ده‌سته‌ڵاتداری یه‌کێتی له‌ ناوه‌ندێکدا هه‌رگیز ناتوانن ما‌م جه‌لالێک دروست بکه‌ن.


مرۆڤ ئه‌قڵی به‌ دنیای ماددیی بشکێت یان نا، ئه‌و ئیشی خۆی هه‌ر ده‌کات. کۆبوونه‌وه‌ی ئه‌و سێ که‌سه‌ی یه‌کێتی هه‌ر قسه‌یه‌کی فکریی بۆ بکرێت یان کرابێت راستییه‌که‌ی ئه‌وه‌یه‌، که‌ دنیاکه‌ ئه‌و سیانه‌ی جیا کرده‌وه‌ بۆ ئه‌وه‌ی له‌ناو خۆیاندا به‌ یه‌کدا بێن و یه‌کێکیان بیباته‌‌وه‌. ئه‌مه‌ش له‌و زمانه‌ زانستییه‌دا، که‌ له‌ کرده‌وه‌دا ده‌خوێنرێته‌وه‌، ده‌رده‌که‌وێت. کرده‌وه‌که‌ش ئه‌وه‌یه‌، که‌ کۆسره‌ت ره‌سوڵ و به‌رهه‌م ساڵح به‌رامبه‌ر به‌ هێرۆ ئیبراهیم ئه‌حمه‌د، گوایه‌ سێ خاڵیان بۆ چاره‌سه‌ر به‌رز کرده‌وه‌‌.

ئه‌م خاڵانه‌ یه‌که‌م قۆچی شه‌ڕه‌ به‌رانه‌که‌ بوو. هێرۆ ئیبراهیم ئه‌حمه‌د به‌ کۆبوونه‌وه‌ی سه‌رکردایه‌تیی و ئه‌نجومه‌نی ناوه‌ندیی یه‌کێتی خاڵه‌کانی ئه‌و دوو که‌سه‌ی به‌رپه‌چدایه‌وه‌. ئه‌نجام به‌وه‌ شکایه‌وه‌ که‌ دوو خه‌نیمه‌که‌ی هێرۆ ئیبراهیم نه‌هاتن بۆ کۆبوونه‌وه‌که‌و به‌رهه‌م ساڵح زیاتر له‌وه‌ش به‌یانی کرد که‌ ئیتر پۆسته‌که‌ی به‌ خۆی ره‌وا نابینێت.
ئه‌گینا له‌ حاڵه‌تێکی تردا ئه‌و خاڵانه‌ی که‌ کۆسره‌ت ره‌سوڵ و به‌رهه‌م ساڵح به‌رامبه‌ر به‌ هێرۆ ئیبراهیم رایان گرت خاڵێکن که‌ به‌سه‌ر که‌سێکدا فه‌رز ده‌کرێن که‌ ته‌سلیم بووبێت. ئه‌مه‌ له‌ کاتێکدا ئه‌گه‌ر کۆسره‌ت ره‌سوڵ و به‌رهه‌م ساڵح پاکه‌تی پلانه‌که‌یان به‌ هه‌ڵه‌ هه‌ڵنه‌بچڕیبێت. مه‌رجه‌کانیان پێش کۆده‌تاکه‌ کردبێته‌وه‌.

ناسر حه‌فید
له‌ سه‌نته‌ری لێکۆڵینه‌وه‌ی کۆنتراکت
2014-02-02
***************************************
تێبینی:
خاڵه‌کانی کۆسره‌ت ره‌سوڵ و به‌رهه‌م ساڵح:
1. به‌رپرسی ژماره‌یه‌ک ده‌زگای یه‌کێتی لا ببرێن: "دەزگای زانیاریی، مەكتەبی رێكخستن‌، دەزگای هەڵبژاردن‌ و مەكتەبی راگەیاندن".
2. هه‌ر یه‌ک له‌وان ده‌سته‌ڵاته‌کانی مام جه‌لال به‌کار بهێنێت.
3. هه‌رسێکیان بچن سه‌ردانی مام جه‌لال بکه‌ن.

زیاتر ده‌رباره‌ی ئه‌م باسه‌:
http://www.kurdistanpost.com/view.asp?id=ecd46794
سه‌رچاوه‌ی هه‌واڵه‌کان:
http://www.sharpress.net/Direje.aspx?Jimare=11241