دوو ئایدیۆلۆژی دژ بەیەک

سەردار حەمەڕەشدوو ئایدیۆلۆژی دژ بەیەک

لە ڕابوردوودا بەراوردی ئەم دوو تابلۆیەم کردووە وەک دوو تابلۆی هونەری شێوەکاریی، سۆسیالیستیی، کە چۆن هونەر هێزی ئایدۆلیژیایەکمان بۆ نمایش دەکات؛ ئەگەر سیستەمێکی وەک ئێران بە گەورەترین هێزی جیهانی ئەمەریکا نەڕوخێت لەبەر ئەوەی کە توانیویەتی بە هونەر گوزارشت لە هزری خۆی بکات. واتە کاتێک ئایدیۆلۆژیایەک بەڕاستیی لەناو کۆمەڵەگەدا خۆی دەچەسپێنێت ئەوا ڕەنگدەداتەوە لە هونەرەکەیدا و هیچ هێزێک ناتوانێت بیڕوخێنێت. ئەوەتا دوای کوشتنی سەرۆکەکانیشیان هێشتا بەردەوامن.
بە پێچەوانەی پەیەکەرەکەی کۆبانی، گوایە هونەرمەند گەرەکی بووە گوزارشت لە هزری شەڕەڤانان بکات لە ڕۆژاوا، تەواو پێچەوانەی ئایدیۆلۆژیای ئەوانە، زیاتر نزدیکە لە هزری داعش و کۆنەپەرستیی لە بری ئازادی ئافرەت و بیرۆکەی پێشکەوتوخوازیی، ئەم پەیکەرەش سەلماندی کە ئەو ئایدیۆلۆژیایە تڕی بەر ڕەشەبا بوو، ئەوەتا وەک بینیمان بەرگەی ڕووداوێکی نەگرت و سڕانەوە، جارێکی تریش کوردانی جیهان نایەنە سەر شەقام بۆ بەرگرییکردن لەوان، چونکا خیانەتیان لە کوردبوون کردوو برایەتی گەلانیان خستە پێش کوردبوونەوە، ئەمەش خۆی لە خۆیدا بیرۆکەیەکی ناپەسەند و نالۆژیکە بۆ گەلێکی ژێردەستە، هێشتا سەرۆکەکەیان نەمردووە کۆتاییان پێ هاتوە و متمانەی خەڵکیان لەدەستداوە. دوای ئاپۆ شتێک نامێنیتەوە بەردەوامیی بدات بەو ئایدیۆژیایە. دروزەکانیش دژیان دەوەستنەوە.
لێرەدا بە چەند دێڕێک باسی دەکەمەوە؛
پەیکەرەکەی کۆبانی، ئافرەتێکی دەستێکی بۆ ئاسمان ڕاکێشاوە و دەستێکی خستۆتە سەر سسنگی و ناوی ناوە خواوەندی نایک، (خواوەندی نایک خواوەندی یۆنانیە و هێمای سەرکەوتنە)، خواوەندی نایک کە بۆتە مارکەی قۆندەرە لە ئەورپا. هیچ شتێکی هاوبەش نییە لە نێوان خواوەندی نایک و ئەم پەیکەرە جگە لە باڵەکانی نەبێت، ئەمەش هەلێکە بۆ هونەرمەند هەتاوەکو بەو بۆنەیەوە شەرەڤانان بکاتەوە بە حۆری و پەری ئاسمان، چونکا ئەمە قوڵایی ناخی هونەرمەندە بۆ ئافرەت وەک زۆر لە ڕۆژهەڵاتیەکانی وڵاتانی ئیسلامیی. نە کتیبێکی داوەتە دەستی نە چەکێک، چونکا ئەو ئافرەتە و تەنها دەتوانێت ببێتە حۆری و پەریی، ئەو حۆری و پەریەی کە چاوەڕوانی پیاوان دەکەن لە بەهەشتا، لە کاتێکدا شەرەڤانان لەسەر زەوین دەجەنگن، باسی ئاسمان ناکەن.
تابلۆکەی ئێران کە بۆ ئایدیۆلۆژی شێعە کراوە، تەواو دەگونجێت لەگەڵ ئەو ئایدیۆلۆژیەدا؛ باسی بەهەشتمان لۆ دەکات، کە چۆن قاسم سلێمان بە ئارامیی و بە خەندەوە دەگاتە بەهەشت و عەلی پێشوازیی لێ دەکات، بە بینینی ئەو دیمەنە حەز دەکەیت ببیتە یەکێک لەوان. قاسم سلێمان بە روونی رەسم کراوە لەسەنەتریی تابلۆکەدا لەبەرئەوەی باسکە پەیوەستە بەوەوە، باوەشی کردوە بە ئەلیدا و سەرکردە شێعەکانی تر بە چواردەوەیدا بە خەندەی جیواواز بەو دیمەنە دڵخۆشن، ئەگەر هونەرمەند قاسم سلێمانی خستۆتە جەقی تابلۆکە بە ڕوونی لەبەر ئەوەی باسەکە ئەوە.
ئەو ئایدیۆژیایە دەتوانێت بەردەوامیی بەخۆی بدات ئەگەر بتوابێت خاوەنی هونەرێک بێت کە ڕەنگدانەوەی ئەو بێت. ئەگەر نا بە حوکمی دیکتاتۆریی بەردەوامیی بەخۆی دەدات.