ئیلان مەسکی سیاسی

ئیلان مەسك خاوەنی کۆمپانیاکانی (ئێسلا،سپەیس x، نۆرینلیگ، بۆرین و تویتەری جاران و xی ئێستا). ئەوڕۆ ئەم کەسە بە دەوڵەمەندترینی جیهان ناوزەند ئەکرێ و یەکەمین کەسە خاوەنی تریلێۆن دۆلارە. ئەم کەسە لەزۆر بواردا جی پەنجەی دیارە و کاریگەری گەورەی دروست کردوە، ئەوەی زۆر گرنگە ئەوەیە کە ئایا ئیلان کەسێکی سیاسیە وەیان بێلایەنە؟
پارتی دیموکراتەکان کەئەم خۆی دەنگدەریان بوو لەکاتی سەرۆك (ئۆباما) توانی پرۆگرامی تێسلا برەو پێبدات و ببێتە خاوەن کۆمپانیایەکی پڕفرۆشی ئۆتۆمۆبیل.بەڵام دوای ئەوەی ئەژندا و بەرنامەکانی ئۆباما چێتر لەگەڵ بیرو بۆچونی ئیلان هاوتەریب نەبوو، بۆیە ووردە ووردە لەو پارتە دوور کەوتەوە کە دەنگدەریان بوو لە ڕابردوودا. پاشان خولی یەکەمی سەرۆك(ترامپ) دەستی پێکرد و لەو کاتەوە دەنگی خۆی دا بە پارتی کۆماریەکان، هۆکاری ئەمەش وەك خۆی ئەڵێ؛؛؛ کۆماریەکان زیاتر باوەڕیان بە بازاڕی ئازاد و کەمی باج هەیە لەسەر خاوەن کۆمپانیاکان و ڕێگرن لە کردنەوەی سنوور بۆ خەڵکانی بێ یاسایی و قاچاغ. بەڵکە لەوەش زیاتر کۆماریەکان زیاتر بەرەو سیستمی خێزان دروست کردنن و دژ بە دیاردەی نامۆن وەك (هۆمۆسێکشواڵ،گەی و لیزبیان، گڵۆبالیزیەشن).
دوای ئەوەی (جۆ بایدن) لەساڵی 2020 بوو بەسەرۆکی ئەمریکا، ئێدی ئەوە سەرەتای قۆناغی سیاسی ئیلان مەسك دەست پێ ئەکات. هەر بۆیە هەڵئەستێ بە کڕینی کۆمپانیای تویتەر بە بڕی $44 ملیار دۆلار کە ئەو نرخە بۆ ئەکاتە زۆر زۆر لەوە زیاتر بوو کە تویتەر خەمڵێنرابوو، ئەی بۆچی ئیلان مەسك ئەم مامەڵە بازرگانیەی کرد؟؟ ئەڵبەت دوو پلاتفۆرم هەبوو بۆ ئازادی ڕادەربڕین ئەوانیش (فەیس بووك و تویتەر)بوون..لەو کاتەدا هەردوو ئەم کۆمپانیایە سەر بە دیموکراتەکان بوون و دەنگی نەیار و کۆماریەکان سانسۆر کرابوو، بۆ نمونە ئەو کات دەنگی سەرکردەکانی تاڵیبان و داعش ئەبیستران و دەنگی کۆماریەکان و خودی ترامپ سانسۆر کرابوو..ئەمەش وای لە ترامپ کرد پەنا بۆ سایتێکی خۆی بەرێ بەناوی (the truth) لە هەمان کاتدا ئیلان ماسك هات و کۆمپانیای تویتەری کڕی وناوەکەی گۆڕێ بۆ(x). ئێدی لەو کاتەوە ئەم پلاتفۆرمە ڕێگەی دا خەڵکانی تر بەبێ سانسۆر بیرو ڕای خۆیان ئاڵوگۆڕ پێبکەن.
ئیلان مەسك بۆ ئەم هەڵبژاردنەی ساڵی 2026 زیاتر لە 300 ملیۆن دۆلاری تەرخان کرد بۆ کۆماریەکان لە وولایەتی تەکساس و هەندێ شوێنی تر بەڵام ئەم بڕە پارەیە نەیتوانی هیچ سەرکەوتن بۆ کۆماریەکان دەستە بەر بکات. هەر بۆیە دیموکراتەکان دژ بە ئیلان ماسك وەستاوون و وەك (خائین) تەماشای ئەکەن و داوا ئەکەن زیندانی بکرێ و لە سێدارە بدرێ.
وەك ئاشکرایە ڕووسیای پۆتین یەکێکە لەو ووڵاتانەی کە یاسایەکی هەیە بۆ ئەو سەرۆك و سیاسی و ڕۆژنامەنووسانەی لە ووڵاتانی ترەوە ڕاونراون و تەنگیان پێ هەڵچێنراوە، بۆ نمونە (بەشار ئەسەد و سنۆدن) کە بۆچەندین ساڵە لەوێ داڵدە دراون و پێناچێ ڕادەستی دەوڵەتەکانی خۆیان بکرێنەوە. ئیلان مەسك پێش ئەوەی لە کەنەداوە بێتە ئەمریکا، وویستی کۆمپانیاکانی خۆی لە ڕووسیا دابمەزرێنێ، لێ دوای مشتومڕێکی زۆر هەوڵەکەی گۆڕی و ئەمریکای هەڵبژارد لەبەرئەوەی پێی وابوو ئەمریکا گونجاوترە لەهەموو لایەنەکانەوە بۆ کەسێ کات و پارەی تێدا بخاتە نێو بزنس و کاری بازرگانی و بواری ئابووری و لەسەرو ئەمانەشەوە مافی مرۆڤ و ئازادی ڕادەڕبڕین.
ئێستا کە مەترسی زیندان و لە سێدارەدان هاتۆتە نێو میدیاکانی دیموکراتەوە، ئێدی ئیلان مەسك ناتوانێ هەر بە سانایی ئەم هەڕەشە و گووڕەشانە بە هەند وەرنەگرێ، ئەگەر چی ئەمە کارێکی یاسایی و ئاسان نیە لەبەرئەوی سەرۆك ترامپ وەك سەرۆکەکانی پێش خۆی لیستێك ناوی هەیە ئەتوانێ واژووی لەسەر بکات کە دادگاکان نەتوانن لەمپەریان بۆ دروست بکەن کە بەدڵنیاییەوە مەسك یەکێك ئەبێ لەو ناوە دیارانە. لەبەردەم ئیلان 2 ساڵ ماوە بۆ ئەوەی بزانێ چی ڕووئەدا و پلانی تازە بۆ خۆی دابڕێژێ، گەر بێت سەرۆکێکی دیموکرات دوای ترامپ سەربکەوێ ، ئەوا ئیلان مەسك ئەمریکا جێ ئەهێڵی و ڕوو لە ڕووسیا ئەکات.














